اکشے کمار نے مداح کی خواہش پوری کرکے دل جیت لئے

Web Desk

05th Dec, 2021. 02:05 pm

بالی ووڈ کے خطروں کے کھلاڑی اکشے کمار نے اپنی ایک مداح کی خواہش پوری کرکے سب کے دل جیت لیے۔

بھارتی میڈیا رپورٹس کے مطابق بالی ووڈ کے سپر اسٹار اکشے کمار نے سوشل میڈیا کی مقبول ویب سائٹ ٹوئٹر پراپنی ایک پلک نامی مداح کی خواہش پر اسے سالگرہ کی مبارکباد دی اور ساتھ پیغام میں لکھا کہ ’سالگرہ مبارک ہو پیاری پلک‘۔

خطروں کے کھلاڑی نے ٹوئٹ میں مزید لکھا کہ چاہے آپ گھر سے دور ہیں، لیکن یقیناََ آپ کے خاندان کی نیک تمنائیں اور محبت آپ کے ساتھ رہے گی‘۔

اکشے کمار نے اپنی مداح کو مبارکباد دیتے ہوئے مزید کہاکہ امید ہے کہ آپ کا سال بہت اچھا گزرے گا۔

واضح رہے کہ گزشتہ دنوں پاکستان فلم و ٹی وی انڈسٹری کی معروف اداکارہ مہوش حیات نے اکشے کمار کی نئی فلم سوریاونشی پر ناپسندیدگی کا اظہار کیا تھا۔

مہوش حیات نے  ٹوئٹر پر اکشے کمارکی نئی فلم سوریاونشی  پر ناپسندیدگی کا اظہار کرتے ہوئے کہا کہ سوریاونشی بالی ووڈ کی اسلامو فوبیا کو فروغ دینے والی تازہ ترین فلم ہے۔

 

Square Adsence 300X250