کراچی میں پیپلز پارٹی کے جیالے اور ائیرپورٹ انتظامیہ آمنے سامنے آگئے ہیں۔
کراچی ائیر پورٹ پر پشاور سے سیرین ائیرلاین کی پرواز سے پہنچنے والے جیالوں کا احتجاج جاری ہے۔
سی اے اے اور سیرین ائیر انتظامیہ نے جیالوں کی گرفتاری کے لیے پولیس طلب کرلی جبکہ اے ایس ایف کی بھاری نفری بھی پہنچ گئی۔
ذرائع کے مطابق پیپلز پارٹی کے جیالوں نے پشاور سے کراچی کے سفر کے دوران جہاز میں نعرے بازی کی ، جس پر جہاز کے کپتان نے سی اے اے کو شکایت کر دی۔
جہاز کے کپتان کی شکایت پر پرواز کراچی ائیر پورٹ پر لینڈ ہوتے ہی انتظامیہ کی جانب سے 100 سے زائد جیالوں کو حراست میں لینے کی کوشش کی گئی ۔
ائیر پورٹ انتظامیہ کے اس ایکشن پرجیالوں نے بھر پور احتجاج کیا جو کہ ابھی بھی جاری ہے۔
ذرائع کے مطابق جہاز میں دوران پرواز جئے بھٹو کے نعرے بازی پر جیالوں کو کراچی ائیرپورٹ پر روک لیا گیا ہے۔
ان افراد میں پیپلز پارٹی لیبر ونگ کے صدر حبیب جنیدی، معاون خصوصی وزیراعلیٰ آصف خان، پیپلز پارٹی ملیر کے اطلاعات سیکریٹری میر عباس تالپور بھی شامل ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News