پاکستان رینجرز پنجاب کے زیرِ اہتمام یوم قائد کے حوالے سے خصوصی تقریب کا انعقاد کیا گیا ہے۔
تفصیلات کے مطابق ہیڈ کوارٹرز پنجاب رینجرز کے آڈیٹوریم میں منعقدہ یہ تقریب ایک مکالمے پر مشتمل تھی جس میں قائد اعظم کی جدوجہد آزادی کے علاوہ حیات و شخصیت کے مختلف پہلووٴں پر بھرپور روشنی ڈالی گئی۔
مکالمے کے محرک بحث گورنمنٹ کالج یونیورسٹی لاہور کے وائس چانسلر ڈاکٹر پروفیسراصغر زیدی تھے جبکہ دیگر مقررین میں پروفیسر ڈاکٹر خورشید رضوی، پروفیسر ڈاکٹر معین نظامی اور پروفیسر ڈاکٹر سعادت سعید شامل تھے۔
مقررین کی گفتگو کے بعد حاضرین کو سوالات پوچھنے کا موقع بھی دیا گیا۔ یوم قائد کی مناسبت سے منعقدہ اس خصوصی تقریب کے مہمان خصوصی ڈائریکٹر جنرل پاکستان رینجرز پنجاب میجر جنرل سید آصف حسین تھے۔
ڈی جی پنجاب رینجرز نے معزز مہمانان گرامی کو یاد گاری شیلڈز پیش کیں۔ مہمان خصوصی نے بانی پاکستان کے حوالے سے تقریب کے انعقاد کو خوش آئند قرار دیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News