سیالکوٹ میں رونما افسوسناک واقعے میں قتل ہونے والے سری لنکن شہری پریانتھا کی لاش ریسکیو ادارے کی ایمبولینس کے ذریعے لاہور روانہ کردی گئی۔
ترجمان پولیس کے مطابق ایمبولینس کے ہمراہ ایلیٹ فورس کی دو گاڑیاں بھی روانہ کی گئی ہیں۔
پورسٹ مارٹم مکمل ہونے کے بعد ڈیڈ باڈی سری لنکن سفارت خانے کے حوالے کرنے کے لیے لاہور روانہ کی گئی ہے۔
ترجمان پولیس کا کہنا ہے کہ لاہور سے قانونی کارروائی مکمل کرنے کے بعد لاش کو خصوصی پرواز کے ذریعے سری لنکا روانہ کیا جائے گا۔
خیال رہے کہ مقتول سری لنکن شہری کی پوسٹ مارٹم رپورٹ میں دل دہلا دینے والے انکشافات سامنے آئے ہیں۔
رپورٹ میں سر کی ہڈی ٹوٹنے، دماغ باہر آنے اور مقتول کے جسم کا 99 فیصد حصہ مکمل طور پر جلنے کی تصدیق کی گئی ہے۔
پوسٹ مارٹم رپورٹ میں بتایا گیا ہے کہ پریانتھا کی موت دماغ کو نقصان پہنچنے کی وجہ سے ہوئی۔ مقتول کے بازو اور کولہے سمیت تمام ہڈیاں ٹوٹ چکی تھیں، صرف ایک پاوں ٹھیک تھا باقی پورے جسم میں ایک بھی ہڈی سلامت نہیں بچی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News