کراچی میں کھیلے گئے دوسرے ٹی ٹوئنٹی میں پاکستان نے ویسٹ انڈیز کو شکست دیکر 3 میچوں کی سیریز میں 0-2 کی فیصلہ کن برتری حاصل کرلی۔ 

کراچی کے نیشنل اسٹیڈیم میں کھیلے جارہے سیریز کے دوسرے ٹی ٹوئنٹی میچ میں پاکستان نے پہلے بیٹنگ کرتے ہوئے مقررہ 20 اوورز میں 8 وکٹ کے نقصان پر 172 رنز بنائے جس کے جواب میں ویسٹ انڈیز کی پوری ٹیم 163 رنز پر پویلین لوٹ گئی۔ شاداب خان کو زبردست کارکردگی پر مین آف دی میچ کا ایوارڈ دیا گیا۔

Player of the match @76Shadabkhan #PAKvWI #HumTouKhelainGey pic.twitter.com/JnHGSicTmD

Advertisement

— Pakistan Cricket (@TheRealPCB) December 14, 2021

ویسٹ انڈیز کی جانب سے شائے ہوپ اور برنڈن کنگ نے اننگز کا آغاز کیا، ہوپ صرف ایک رن کے مہمان ثابت ہوئے، شاہ مارا بروکس 10 رنز بنانے کے بعد آؤٹ ہوئے جب کہ کپتان نکولس پورن نے 26 رنز کی اننگز کھیلی۔

https://twitter.com/TheRealPCB/status/1470795774883676171

رومن پاول 4  اور اوڈیان اسمتھ 12 رنز بنانے کے بعد اپنی وکٹ گنوا بیٹھے، روماریو شیفرٹ نے 35 رنز کی جارحانہ اننگز کھیلی جب کہ برینڈن کنگ نے نصف سنچری اسکور کی اور وہ 67 رنز بنانے کے بعد آؤٹ ہوئے۔

پاکستان کی جانب سے شاہین شاہ آفریدی نے 3، حارث رؤف، محمد وسیم اور محمد نواز نے 2،2 وکٹیں حاصل کیں۔

Second T20I: Pakistan 172 for 8 – 20 overs.
West Indies need 173 to win.#PAKvWI#HumTouKhelainGey pic.twitter.com/IqgIB9VGbk

— Pakistan Cricket (@TheRealPCB) December 14, 2021

اس سے  قبل قومی ٹیم کے کپتان بابراعظم نے ٹاس جیت کر پہلے خود بیٹنگ کرنے کا فیصلہ کیا۔ بابراعظم ایک بار پھر ناکام ثابت ہوئے اور صرف 7 رنز بنانے کے بعد رن آؤٹ ہوگئے، فخرزمان کی اننگز بھی 10 رنز تک محدود رہی۔

Two SMASHING hits in @IftiAhmed221 breezy 32#PAKvWI#HumTouKhelainGey pic.twitter.com/aJhiUvBD0U

— Pakistan Cricket (@TheRealPCB) December 14, 2021

ویسٹ انڈیز کے خلاف پہلے ٹی ٹوئنٹی میں نصف سنچریاں اسکور کرنے والے محمد رضوان 38 اور حیدر علی کی اننگز 31 رنز تک محدود رہی۔ محمد نواز بھی ایک رن بنانے کے بعد اپنی وکٹ گنوا بیٹھے جب کہ آصف علی مسلسل دوسرے میچ میں ناکام رہے اور صرف 9 رنز بنانے کے بعد کیچ دے بیٹھے۔

Brilliant finish from @Shoaibkhan2008 takes Pakistan to 172 for 8.#PAKvWI#HumTouKhelainGey pic.twitter.com/vxXJqmxgNh

— Pakistan Cricket (@TheRealPCB) December 14, 2021

افتخار احمد نے 19 گیندوں پر 32 رنز کی جارحانہ اننگز کھیلی اور شاداب خان 12 گیندوں پر 28 رنز بناکر ناٹ آؤٹ رہے، ان کی اننگز میں 3 چھکے شامل تھے جب کہ محمد وسیم جونیئر 5 رنز بنانے کے بعد رن آؤٹ ہوگئے۔

ویسٹ انڈیز کی جانب سے اوڈیان اسمتھ نے 2 جب کہ عقیل حسین، اوشانے تھومس، روماریو شیفرٹ اور ہیڈن والش نے ایک ایک وکٹ حاصل کی۔

یہ بھی پڑھیں؛ پہلا ٹی ٹوئنٹی،پاکستان نے مہمان ٹیم کو شکست دے دی

واضح رہے پاکستان نے پہلے ٹی ٹوئنٹی میں ویسٹ انڈیز کو 63 رنز سے شکست دی تھی جس میں حیدر علی کو شاندار اننگز کھیلنے پر مین آف دی میچ دیا گیا تھا۔