دنیا کی معروف ٹیکنالوجی کمپنی مائیکروسافٹ نے گوگل کروم براﺅزر استعمال کرنے والے صارفین کی مشکلات میں اضافہ کردیا۔
ٹیکنالوجی کمپنی مائیکروسافٹ کے براوزر ’’گوگل کروم‘‘ کی صارفین کی تعداد کروڑوں میں ہے اور ایک رپورٹ کے مطابق دنیا بھر سے 2.65 بلین لوگ اس براؤزر کا استعمال کرتے ہیں لیکن اس میں آئے روز مسائل سامنے آتے رہتے ہیں لیکن اب خود مائیکروسافٹ نے اپنے صارفین کو یہ براؤزر ترک کرنے پر مجبور کردیا ہے۔
غیر ملکی خبررساں ادارے کے مطابق مائیکروسافٹ نے اپنے صارفین کو خبردار کردیا ہے کہ وہ ’’گوگل کروم‘‘ کو استعمال کرنا چھوڑ دیں اور اس کے بجائے ’’مائیکرو سافٹ ایج‘‘ پر منتقل ہوجائیں۔
خیال رہے مائیکرو سافٹ نے صارفین کی آسانی کے لیے ’ایج‘ نامی براؤزر کو 2015 میں لانچ کیا تھا ، اس میں وہی ٹیکنالوجی استعمال کی گئی ہے جو گوگل کروم میں استعمال ہوئی تھی تاہم یہ اس کا اپ ڈیٹڈ ورژن ہے اور اب یہ امید ظاہر کی جارہی ہے کہ مائیکروسافٹ کی ونڈوز 10 اور حال ہی میں ریلیز ہونے والی ونڈوز 11 میں یہ گوگل کروم کی حکمرانی کو چیلنج کرے گا۔
رپورٹس کے مطابق دنیا بھر سے گوگل کروم براؤزر کے صارفین کی جانب سے شکایات کی جارہی ہیں کہ وہ جب جب کروم استعمال کرتے ہیں انہیں ایک پاپ اپ پیغام کے ذریعے مائیکروسافٹ ایج استعمال کرنے کے مشورے دیے جارہے ہیں اور دونوں کا موازنہ کرکے نئے براؤزر کے فوائد بھی بتائے جارہے ہیں۔
دوسری جانب صارفین سوشل میڈیا پر گوگل اور مائیکروسافٹ کی جانب سے ایسا رویہ اختیار کرنے پر شدید تنقید کی جار ہی ہے۔
واضح رہے خود گوگل بھی متعدد بار اپنے صارفین کو خبردار کرچکا ہے کہ ہیکرز گوگل کروم پر حملہ آور ہوکر اس کے استعمال کرنے والوں کا ڈیٹا چوری کرسکتا ہے اور وہ ہر بار گوگل اپنے پیغام میں کروم کا نیا ورژن استعمال کرنے کی تلقین کرتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News