وزیر توانائی سندھ امتیاز شیخ نے کہا ہے کہ وفاقی حکومت کو سندھ سمیت پورے ملک کی ضرورت کو پورا کرکے دکھائیں گے۔
انہوں نے وفاقی وزیر توانائی حماد اظہر کے بیان پر ردعمل دیتے ہوئے کہا کہ تبدیلی سرکار کے اقتدار میں آنے کے بعد گیس بحران تاریخی سطح پر پہنچ چکا ہے۔
امتیاز شیخ نے کہا کہ موسم گرما ہو یا سرما عوام کو گیس کی بندش کا سامنا کرنا پڑرہا ہے، بروقت ایل این جی درآمد کرلی ہوتی تو عوام کو موجودہ حالات کا سامنا نہ کرنا پڑتا۔
وزیر توانائی سندھ کا کہنا ہے کہ مشیر خزانہ ایل این جی بروقت درآمد نہ کرنے کی حکومتی نااہلی تسلیم کرچکے ہیں۔ سندھ سے اب بھی اتنی گیس نکل رہی ہے کہ پورے ملک کی ضرورت پوری ہوسکتی ہے۔
انہوں نے کہا کہ وفاق کی جانب سے مقامی گیس کی منصفانہ تقسیم نہیں ہوتی، جس کی وجہ سے پورے ملک کو گیس بحران کا سامنا کرنا پڑرہا ہے۔
امتیاز شیخ کا کہنا ہے کہ وفاقی وزیر اطلاعات اور توانائی آج بھی قوم سے غلط بیانی کررہے ہیں، وفاقی وزراء کی جانب سے مقامی گیس کی پیداوار 9 فیصد سالانہ کم ہونے کا تاثر اپنی نااہلی پر پردہ ڈالنے کی کوشش ہے۔
انہوں نے مزید کہا کہ آج بھی وزراء کو چیلنج ہے گیس کے نئے ذخاہر کی تلاش اور تقسیم سندھ حکومت کے حوالے کی جائے، وفاقی حکومت کو سندھ سمیت پورے ملک کی ضرورت کو پورا کرکے دکھائیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News