اسلام آباد میں تھانہ سہالہ پولیس کی حراست میں ایک ملزم کے مرنے کا انکشاف ہوا ہے۔
ذرائع کا کہنا ہے مرنے والے کا نام محمد مطلوب تھا، ملزم نارہ مٹور کا رہائشی ہے جو پولیس کی حراست میں گزشتہ شب ہلاک ہوا۔
پولیس حکام کے مطابق ملزم کو تھانےلایا گیا تھا اور تھانے کے گیٹ سے اندر آتے ہی ملزم بیٹھ گیا تھا اورملزم نے سینے میں درد کی شکایت کی جس کے بعد وہ بے ہوش ہوگیا تھا۔
ایف آئی آر کے مطابق مرنے والے ملزم پر لوگوں کو لڑکیوں کے ذریعے ٹریپ کرنے کا الزام تھا۔
حکام نے بتایا کہ ملزمان نے لوگوں کو بلیک میل کرنے کیلئے گینگ بنا رکھا تھا، ملزم لڑکیوں کے ذریعے سادہ لوح شہریوں کو گھر بلاتے اور پھر ننگا کر کے ان کی ویڈیوز بناتے تھے۔ ان ویڈیوز کی بناء پر ملزمان شہریوں کو بلیک میل کر کے بھتہ وصول کرتے تھے۔
درخواست گزار کے مطابق ملزم نے بلیک میل کر کے مجھ سے 1 لاکھ روپیہ وصول کرچکا تھا اورملزم مزید 2 لاکھ روپے کا مطالبہ کر رہا تھا۔
واضع رہے کہ مرنے والے ملزم کیخلاف حمزہ نامی شخص نے درخواست دے رکھی تھی جب کہ پولیس حکام نے ملزم کی تحویل میں ہلاکت میں ہونے کی وجہ ہارٹ اٹیک قرار دے دی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News