آرٹیکلز
-
تبدیلی سرکار نے ملک کے تمام اداروں کو آئی ایم ایف کے پاس گروی رکھ دیا ہے، امتیاز شیخ
-
نادرا نے ’آل ان ون‘ نامی جدید ترین ڈیجیٹل شناختی کٹ تیار کر لی
-
صنعتوں کو سہولیات فراہم کرنا حکومت کی ترجیح ہے، وزیراعظم شہباز شریف
-
سی پیک دونوں ممالک کے لیے اہم منصوبہ ہے، ڈی سی ایم چینی سفارتخانہ
Advertisement
وزیر توانائی سندھ امتیاز شیخ نے کہا کہ تبدیلی سرکار نے ملک کے تمام اداروں کو آئی ایم ایف کے پاس گروی رکھ دیا ہے۔
امتیاز شیخ نے بجلی کی قیمتوں میں اضافہ مسترد کرتے ہوئے کہا کہ بجلی کا ریٹ پونے چار روپے فی یونٹ بڑھا دینا ایک ظالمانہ اقدام ہے۔
انہوں نے کہا کہ بجلی کی قیمت میں اضافے سے مہنگائی اور بیروزگاری میں مزید اضافہ ہوگا،عالمی منڈی میں پیٹرول کی قیمتوں میں کمی کا فاٸدہ آئی ایم ایف کو پہنچایا گیا ہے۔
وزیر توانائی سندھ نے مزید کہا کہ تبدیلی سرکار نے ملک کے تمام اداروں کو آئی ایم ایف کے پاس گروی رکھ دیا ہے، حکمرانوں کی نااہلی، ناکامی اور بدعنوانیوں کی سزا عوام کو بھگتنا پڑرہی ہے۔
واضح رہے کہ نیشنل الیکٹرک پاور ریگولیٹری اتھارٹی (نیپرا) نے کراچی کے عوام کے لئے بجلی 3روپے 75پیسے مہنگی کر دی ہے ۔
Advertisement
نیپرا کی جانب سے جاری کردہ نوٹیفکیشن کے مطابق بجلی ستمبر کی فیول چارجز ایڈجسٹمنٹ کی مد میں مہنگی کی گئی ہے۔
نوٹیفکیشن میں بتایا گیا ہے کہ اضافہ دسمبر کے بجلی بلوں میں وصول کیا جائے گا۔
یاد رہے کہ نیشنل الیکٹرک پاور ریگولیٹری اتھارٹی (نیپرا) نے ستمبر کی فیول ایڈجسٹمنٹ کیلئے نومبر میں سماعت کی تھی، سماعت کے بعد نیپرا نے فیصلہ محفوظ کر لیا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
