موبائل فون تیار کرنے والی ہانگ کانگ کی کمپنی انفینکس نے لیپ ٹاپ کے میدان میں بھی کام یابی کے جھنڈے گاڑنے شروع کردیے ہیں۔

انفیننکس نے گزشتہ روز ہی ’ان بک ایکس 2‘ کے نام سے ایک لائٹ ویٹ میٹل باڈی لیپ ٹاپ متعارف کرایا ہے۔ جو تادیر بیٹری بیک اپ فراہم کرنے کے ساتھ ساتھ قیمت میں بھی کم ہے۔

انفینکس ان بک ایکس 2 کی اسپیسیفکیشنز

آپریٹنگ سسٹم

تخلیقی کام کرنے اور گیمز کھیلنے کے ان بک ایکس 2 میں مائیکروسافٹ کا جدید ترین آپریٹنگ سسٹم  ونڈوز 11 ہوم پہلے سے ہی انسٹال ہے۔

ڈسپلے اور کلر

ان بک ایکس 2 کو 14 انچ کے فل کلر سپر برائٹ 100 فیصد ایس آر جی بی اور  300 نٹس کے فل ایچ ڈی آئی پی ایس ڈسپلے کے ساتھ پیش کیا گیا ہے جو اسکرین کو شان دار شوخ اور چمک دار ویژیول فراہم کرتا ہے جس کی بدولت استعمال کنندہ کو اچھا بصری تاثر ملتا ہے۔

4.7 ایم ایم کے پتلے بیزل کی بدولت آپ کو فل ویو ڈسپلے ملتا ہے۔ انفینکس ان بک ایکس 2 کو نوجوانوں کی پسند کو مد نظر رکھتے ہوئے مختلف شوخ رنگوں میں  متعارف کرایا ہے۔ جن میں سرخ، نیلا، سبز اور سرمئی شامل ہیں۔

 پروسیسر

انٹیٰل کے طاقت ور 10 این ایم جنریشن کور i7 پروسیسر کے ساتھ آپ اپنے کام کسی مشکل کے بنا باآسانی سر انجام دے سکتے ہیں۔ گرافکس کے لیے اس میں انٹیل آئرس پلس کا 4 کور 8 تھریڈ پر مشتمل 3.9 گیگا ہرٹز کا بہترین پروسیسر بھی ہے جو کہ میکسیمم ٹربو فریکوئنسی کے ساتھ کام کرتا ہے۔ ان بک ایکس 2 کو i3 اور i5 پروسیسر میں بھی متعارف کرایا گیا ہے۔

لیپ ٹاپ کو گرم ہونے سے بچانے کے لیے اس میں ’ آئس اسٹارم 1.0‘ کولنگ سسٹم دیا گیا ہے جو لیپ ٹاپ کو زیادہ تیزی سے ٹھنڈا کرنے کے ساتھ آپ کی ڈیوائس کو زیادہ ہموار اور بنا ہینگ ہوئے چلنے میں مدد دیتا ہے۔

اسٹوریج

ان بک ایکس 2 کو 8 اور 16 گیگا بائٹ ریم اور 256 اور 512 گیگا بائٹس کی ایس ایس ڈی اسٹوریج کے ساتھ پیش کیا گیا ہے۔

آڈیو

حقیقت سے قریب تر آواز فراہم کرنے کے لیے ان بک ایکس 2 میں DTS آڈیو کا فیچر دیا گیا ہے۔ یہ دو لیئرز اسٹیریو ڈیزائن بہترین ساؤنڈ کوالٹی فراہم کرتا ہے۔۔ آپ اپنے لیپ ٹاپ پر گھر میں یا باہر دونوں جگہ آواز کے بہترین اور حقیقی معیار سے لطف اندوز ہوسکتے ہیں۔

وزن

محض 1کلو 240 گرام وزن کے حامل اس لیپ ٹاپ کی چوڑائی محض 14.8 ملی میٹر ہے۔ جو کہ دیکھنے میں ایک پریمیئم لک فراہم کرتا ہے۔ وزن میں ہلکا ہونے کی وجہ سے صارفین اسے با آسانی اپنے بیگ میں رکھ کر کہیں بھی لے جاسکتے ہیں۔

ڈیول اسٹار لائٹ کیمرا

کاروباری میٹنگز، آن لائن کلاسز اور اپنے دوستوں اور عزیز و اقارب کے ساتھ  واضح ویڈیو کال کرنے کے لیے اس کو ڈیول اسٹار لائٹ کیمرے سے آراستہ کیا گیا ہے۔

انفینکس کا ان بک ایکس 2 مارکیٹ کیا جانے والا پہلا لیپ ٹاپ ہے جس کے کیمرے میں دو ایل ای ڈی لائٹس دی گئی ہیں۔

بیٹری

انفینکس کے اسمارٹ مینجمنٹ سسٹم کی بدولت 50 واٹ کی طاقت ور لیتھیم پولیمر بیٹری ایک بار چارج ہونے کے بعد اوسط استعمال پر 11 گھنٹے تک ویب براؤزنگ، 9 گھنٹے کا ویڈیو پلے بیک یا 9 گھنٹے تک ریگولر کام سرانجام دینے تک چلتی ہے۔

واضح رہے کہ یہ اعداد و شمار انفینکس لیب میں کی گئی جانچ پر مبنی ہیں۔

قیمت

ان بک ایکس 2 کے کور i3 ماڈل کو 399 ڈالرز، i5 کو549 ڈالر اور i7 ماڈلز کو 649 ڈالر کی قیمت پر تھائی لینڈ، مصر اور انڈونیشیا میں فروخت کے لیے پیش کیا جارہا ہے۔