راولپنڈی کے تعلیمی اداروں میں کورونا دوبارہ سراٹھانے لگا۔
متعدد کیس سامنے آنے پر راولپنڈی کے دو اسکولوں گورنمنٹ بوائز ہائی اسکول خیابان سرسید اور گورنمنٹ ہائی اسکول ڈھیری حسن آباد کو انتظامیہ کی جانب سے سیل کر دیا گیا۔
انتظامیہ کے مطابق دونوں اسکولوں میں 2 کیس مثبت رپورٹ ہوئے۔
کورونا کے باعث نئی پابندیاں؛ 12 سال سے کم عمر بچے صرف 3 دن اسکول جائینگے
این سی او سی کا کہنا ہےکہ 12 سال سے کم عمر اسٹوڈنٹس صرف 3 دن اسکول آئینگے۔
نیشنل کمانڈ اینڈ آپریشن سینٹرکا اہم اجلاس ہوا،جس میں کورونا سے متعلق نئی پابندیوں کا اعلان کردیا گیا ہے۔
این سی او سی کے اجلاس میں نئی پابندیوں کا فیصلہ صوبوں کی مشاورت سے کیا گیا ہے، پابندیوں کا اطلاق 20 سے 31 جنوری تک ہوگا۔
این سی او سی کے مطابق 10 فیصد سے زائد شرح والے تمام شہروں میں ہر قسم کے اجتماعات پر پابندی عائد ہوگی، ان ڈور اجتماعات میں 300 افراد کہ گنجائش کی اجازت ہو گی، 300 افراد آؤٹ ڈور اجتماعات کر سکیں گے۔
این سی او سی کے اعلامیے کے مطابق مطابق 10 فیصد سے زائد شرح والے شہروں میں انڈور شادی تقریبات اور ڈائن ان پر بھی پابندی عائد ہوگی۔
اعلامیے کے مطابق 10 فیصد سے زائد شرح والے شہروں میں تعلیمی سرگرمیاں بھی محدود ہونگی، 12 سال سے کم عمر اسٹوڈنٹس صرف 3 دن آئینگے اور 50 فیصد حاضری ہوگی۔
اس کے علاوہ 12 سال سے زائد عمر کے اسٹوڈنٹس کی مکمل حاضری اور ان کی ویکسی نیشن بھی لازمی قرار دے دی گئی۔
واضح رہےکہ این سی او سی ان نئی پابندیوں کے فیصلوں پر نظر ثانی 27 جنوری کو کرے گی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News