رہنما پیپلزپارٹی شہلا رضا نے کہا ہے کہ پیپلز پارٹی واحد جماعت ہے جس کے پاس عوامی مسائل کا حل ہے۔

 شہلا رضا نے عظیم پورہ شمولیتی تقریب سے خطاب کرتے ہوئے کہا کہ عظیم پورہ کے ن لیگ کے لوگوں کو پیپلز پارٹی میں شامل ہونے پر خوش آمدید کہتے ہیں۔

انہوں نے کہا کہ پاکستان کو باشعور اور نوجوان قیادت کی ضرورت ہے، ایسی قیادت جو کبھی ملکی خدمات سے گھبرائے نہیں۔ ذوالفقار علی بھٹو نے ملکی دفاع ناقابل تسخیر بنانے کے لیے ایٹمی پروگرام دیا اور بینظیر بھٹو نے میزائل ٹیکنالوجی دی۔

انہوں نے کہا کہ کراچی میں مختلف علاقوں میں لوگ پیپلز پارٹی میں شامل ہو رہے ہیں۔ پیپلز پارٹی کراچی سمیت ہر ضلعے میں اپنی جڑیں مضبوط کر رہی ہے، طاقت کا سرچشمہ عوام ہے۔

شہلا رضا کا کہنا تھا کہ پیپلز پارٹی کی قیادت ملک سے باہر نہیں بھاگتی، عوام میں رہ کر سیاست کرنا پیپلز پارٹی قیادت کا طرہ امتیاز ہے۔

ان کا یہ بھی کہنا تھا کہ پیپلز پارٹی نے عوامی مسائل پر احتجاجی مظاہرے کیے اور گیس بجلی،لوڈشینگ کے خلاف پیپلز پارٹی نے احتجاج کیا اور اب پیپلز پارٹی نے حکومت مخالف لانگ مارچ کا فیصلہ کیا ہے۔

رہنما پیپلز پارٹی نے کہا کہ میرے دفتر کے باہر ایک جماعت نے دھرنا دیا ہوا ہے، یہ لوگ سندھ کے بلدیاتی نظام کے قانون کے بجائے انکو پنجاب کے بلدیاتی نظام کے خلاف دھرنا دینا چاہیے تھا۔

شہلا رضا نے کہا کہ مہنگائی بیروزگاری کے خلاف آواز بلند کر رہے ہیں،27 فروری سے حکومت کے خلاف لانگ مارچ کراچی سے شروع ہوگا۔

رہنما پیپلزپارٹی شہلا رضا کا  مزید کہنا تھا کہ فرقے، مسلک اور زبان سے آگے نکل کر سوچنا ہوگا اور ووٹ ڈالنے ہونگے، پیپلز پارٹی واحد جماعت ہے جس کے پاس عوامی مسائل کا حل ہے۔