تصاویر اور ویڈیو شیئرنگ ایپ انسٹا گرام دنیا کی مقبول ترین ویڈیو شیئرنگ ایپلی کیشن ٹک ٹاک کے منفرد فیچر کو اپنے پلیٹ فارم پر شامل کرنے کیا تجربہ کر رہی ہے۔

غیر ملکی خبر رساں ادارے کے مطابق انسٹا گرام اپنی اسٹوریز کو ایپ میں عمودی اسکرولنگ  کے لیے از سر نو ڈیزائن کر رہی ہے۔ اس وقت انسٹا گرام اسٹوریز کو دیکھنے کے لیفٹ سوئپ کرنا پرتا ہے۔ ایک اسٹوری سے دوسری پر  جانے کے لیے بائیں ( الٹی) طرف اور مختلف پوسٹ دیکھنے کے لیے دائیں (سیدھی) طرف ٹیپ کرنا پڑتا ہے۔

میٹا کی زیر ملکیت یہ کمپنی اب ایک نئے فیچر کی آزمائش کر رہی ہے جس کی مدد سے صارفین اسٹوریز میں عمودی اسکرولنگ کر سکیں گے۔

رپورٹ کے مطابق ترکی اور برازیل میں انسٹا گرام کے کچھ صارفین کو انسٹا گرام پر اسٹوریز کی عمودی اسکرولنگ کرنے والے فیچر کی اپ ڈ یٹس مل چکی ہیں۔

تجزیہ کاروں کا کہنا ہے کہ انسٹاگرام کی جانب سے اس فیچر کو متعارف کرانے کا مقصد ویڈیو شیئرنگ ایپلی کیشن ٹک ٹاک کا مقابلہ کرنے کی کوشش دکھائی دیتا ہے کیوں کہ اس میں پہلے سےہی عمودی اسکرولنگ کا فیچر موجود ہے۔

 اس فیچر کی بدولت انسٹاگرام میں اسٹیٹک کانٹینٹ کی نسبت اسٹوریز میں ویڈیوز پر زیادہ فوکس ہوجائے گا۔

 یاد رہے کہ گزشتہ ماہ ہی انسٹا گرام نے اسٹوریز میں ویڈیوز کا دورانیہ 15 سیکنڈ سے بڑھا کر 60 سیکند کرنے کی آزمائش کی تھی۔  جس کی مدد سے صارفین ایک منٹ کی ویڈیو کو چار حصوں میں تقسیم کرنے کے بجائے ایک ہی حصے میں اپ لوڈ کرنے کے اہل ہوسکیں گے۔