ایک حالیہ تحقیق میں بتایا گیا ہے کہ مشہور امریکی سیلیبریٹیز سوشل میڈیا پوسٹ کے ذریعے دانستہ اور نادانستہ طور پر بچوں کو فربہی کی جانب مائل کر رہے ہیں۔

اس بات کا انکشاف شگاگو یونیورسٹی کی جانب سے ہونے والے ایک مطالعے کے بعد ہوا۔ تحقیق کے مطابق 90 فیصد سیلے بریٹیز کی سوشل میڈیا پوسٹس جنک اور فاسٹ فوڈ جیسے غیر صحت بخش کھانے اور پینے کی اشیاء پر مشتمل ہوتی ہیں۔

ریسرچرز نے اس مطالعے کے لیے دنیا کی مشہور ترین شخصیات کی جانب سے سوشل میڈیا خصوصاً انسٹاگرام پر اسنکیس، کھانوں، اور مشروبات کے حوالےسے کی جانے والی پوسٹ کا جائزہ لیا اور انہیں غذائی اشیا کے لیے متعین کردہ تشہیری معیار پر جانچا۔

اس تجزیے سے یہ بات سامنے آئی کہ سیلے بریٹیز کے 87 فیصد اکاؤنٹس غیر صحت بخش غذاؤں کے حوالے سے تھے، جب کہ مشروبات میں یہ شرح  89.5 رہی۔

2019 سے 2020 میں شائع ہونے والے والے مواد کی اکثریت اسپانسرڈ اشتہارات کے بجائے روزمرہ کی زندگی میں رہنے والے اسٹارز کی تھی۔

اگرچہ اس مطالعے میں سلیبریٹیز کا نام نہیں دیا گیا تاہم ممکنہ طور پر ان میں پاپ سنگر آریانا گرینڈی، ہالی وڈ سینسیشن ڈیوائن جانسن ’ دی راک‘ اور ریئلٹی ٹی وی اسٹار کم کاردیشین بھی شامل ہیں کیوں کہ یہ سیلیبریٹیز مجوعی طور پر 650 ملین سے زائد فالوورز رکھتے ہیں۔

ریسرچ میں بتایا گیا ہے کہ امریکا میں سگریٹ، اور الکوحل جیسی نشے آور اشیاء کے لیے سخت اشتہاری معیارات نہیں ہیں، جس کا فائدہ اٹھاتے ہوئے امریکی اسٹاربچوں کو غیر صحت مند غذاؤں کی جانب راغب کر رہے ہیں۔ جو کہ امریکا جیسے ملک کے لیے بڑے مسائل کا سبب رہا ہے کیوں کہ یہاں پہلے ہی بچوں میں موٹاپے کی شرح زیادہ ہے۔

سینٹر فار ڈیزیز کنٹرول اینڈ پریوینشن کے مطابق ہر 5 میں سے ایک امریکی بچہ موٹاپے کا شکارہے۔

ریسرچر کا کہنا ہے کہ سیلیبریٹیز کی جانب سے کھانے پینے کے متعلق پوسٹ میں سب سے زیادہ مقبول مٹھاس اور الکوحل ہے۔

سوشل میڈیا انفلوئنسرز کی جانب سے 21.2 پوسٹ بیکری آئٹم( کیک، ڈونٹس اور براؤنیز)، 12.7 فیصد پھلوں، 8.1 فیصد سبزیوں، 6.5 فیصد ٹافیوں،4.5 فیصد اسنیکس( چپس، پاپ کارن )، 4 فیصد بریڈز، 3.9 فیصد آئس اور اس نوعیت کی دیگر اشیا۔ 3.4 سینڈوچ اور چیز برگر وغیرہ،3 فیصد پولٹری اور 2.8 فیصد لسانے اور چاول سے بنی ڈشوں سے متعلق تھی۔

اس تحقیق کے سربراہی کرنے والے پروفیسر ٹرن والڈ کا کہنا ہے کہ ’ یقیناً سیلےبریٹیز اپنے نجی سوشل میڈیا اکا ؤنٹس پر اپنی مرضی سے کھانوں اور مشروبات کے بارے میں پوسٹ کرنے کے لیے آزاد ہیں۔ تاہم وسیع فالوئنگ ہونے کی وجہ سے وہ ممکنہ طور پر اپنے فالورز کی پسند نا پسند پر اثر انداز ہوتے ہیں۔‘