کیری ڈبہ اور ڈالے کے درمیان ہونے والے خطرناک تصادم سے  8 بچے زخمی ہوگئے ہیں۔

تفصیلات کے مطابق یہ افسوسناک حادثہ ملتان کے اڈا بن بوسن روڈ پر پیش آیا جہاں کیری ڈبہ اور ڈالے کے درمیان تصادم سے کیری ڈبے میں سوار 8 بچے زخمی ہوگئے ہیں۔

 ریسکیو حکام کا کہنا ہے کہ تمام زخمی بچوں کو نشتر ہسپتال منتقل کردیا گیا ہے۔

دنیا  بھرمیں ٹریفک حادثے انسانی جانوں کے لیے ایک بڑے خطرے کے طور پر سامنے آ رہے ہیں، عالمی ادارہ صحت کے مطابق ہر سال لاکھوں افراد ٹریفک حادثات کی وجہ سے اپنی جانوں سے ہاتھ دھو بیٹھتے ہیں۔

ایک عالمی تحقیقاتی ادارے کے مطابق پاکستان میں ہلاکتوں کا باعث بننے والے پچاس عوامل اوربیماریوں میں ٹریفک حادثات پندرہویں نمبر پر ہیں۔

 پاکستان میں ایڈز، ناقص خوراک،  مرگی، تشدد کئی قسم کے سرطان اور خود کشیوں کی وجہ سے انفرادی طور پر ہونے والی اموات سے ٹریفک حادثات میں مرنے والے لوگوں کی تعداد زیادہ ہے۔

اس رپورٹ کے مطابق سب سے زیادہ ٹریفک حادثات موٹر سائیکل سواروں آٹو رکشا والوں اور موٹر کاروں اور وینز چلانے والوں کو پیش آئے اس کے بعد بسوں اور ٹرکوں کے حادثات رپورٹ ہوئے ہیں۔