وزیر اعلیٰ سندھ نے صوبے میں لسانی فساد کروانے کی سازش ناکام بنادی، امتیاز شیخ

ویب ڈیسک

31st Jan, 2022. 02:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ سندھ نے صوبے میں لسانی فساد کروانے کی سازش ناکام بنادی، امتیاز شیخ

وزیر توانائی سندھ امتیاز شیخ نے کہا ہے کہ وزیر اعلیٰ سندھ نے صوبے میں لسانی فساد کرانے کی سازش ناکام بنادی۔

امتیاز شیخ نے اپنے جاری کردہ ایک بیان میں کہا کہ اپوزیشن بلدیاتی بل پر احتجاج کر کے حقیقی مسائل سے توجہ ہٹانا چاہتی ہے، بلدیاتی قانون میں ترامیم کے لیے اپوزیشن جماعتیں ایک پیج پر نہیں ہیں۔

انہوں نے کہا کہ اپوزیشن جماعتوں کے اپنے اپنے مفادات ہیں، احتجاج ہر سیاسی جماعت کا جمہوری حق ہے مگر پتا تو چلے احتجاج کی وجہ کیا ہے، گزشتہ دنوں حکومت اور جماعت اسلامی کے مابین بلدیاتی بل میں ترامیم کرنے پر اتفاق کیا گیا ہے۔

ان کا کہنا تھا کہ کچھ اپوزیشن جماعتوں کی خواہش ہے کہ وزیر اعلیٰ کے اختیارات بھی مٸیر کے حوالے کردیئے جاٸیں، سندھ اسمبلی سے پاس کردہ بلدیاتی بل میں اختیارات کے توازن کا ہر سطح پر تحفظ کیا گیا ہے۔

وزیر توانائی سندھ امتیاز شیخ نے مزید کہا کہ نچلی سطح پر اختیارات کی منتقلی پیپلز پارٹی کے منشور کا اولین مقصد ہے۔