پشاور کے ایل آر ایچ کے گائنی وارڈ میں بیک وقت چھ بچوں کی پیدائش ہوئی ہے۔
پاکستان کے صوبے خیبرپختونخوا کے شہر پشاور کے اہم ترین اسپتال لیڈی ریڈنگ میں خاتون نے بیک وقت 6 بچوں کو جنم دیا ہے۔
لیڈی ریڈنگ اسپتال کے ترجمان محمد عاصم کے مطابق خاندان کا تعلق ضلع مہمند سے ہے اور خاتون کے ہاں 5 فی میل اور ایک میل بچے کی پیدائش ہوئی ہے جب کہ سب بچے اور ان کی ماں خیریت سے ہیں۔
یہ بھی پڑھیں: بچوں کی پیدائش رات کے وقت کیوں ہوتی ہے؟ ماہرین نے بتادیا
اسپتال ترجمان نے مزید کہا کہ نومولود بچوں کی پیدائش گائنی سی وارڈ کی ڈاکٹرز کی زیر نگرانی ہوئی ہے اور نومولود بچوں کو اس وقت نرسری وارڈ میں داخل کیا گیا ہے تاکہ ان کی صحت کے بارے میں تفصیلی معلومات حاصل کئے جا سکیں۔
واضح رہے ایل آر ایچ کا گائنی وارڈ صوبے کا سب سے بڑا اور جدید یونٹ ہے جس میں روزانہ کی بنیاد پر تقریباً 70 بچوں کی پیدائش ہوتی ہے۔
یہ بھی پڑھیں: 10 بچوں کی پیدائش کا ڈرامہ رچا کر ورلڈ ریکارڈ بنانے والی خاتون گرفتار
اس سے قبل صوبہ خیبرپختونخوا کے ہی شہر ایبٹ آباد کے نجی اسپتال میں بھی خاتون کے ہاں بیک وقت 7 بچوں کی پیدائش ہوئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News