جنوبی افریقہ میں رواں ماہ دس بچوں کی پیدائش کا ڈرامہ رچا کر ورلڈ ریکارڈ بنانے والی خاتون کو  گرفتار کر لیا گیا ہے۔

سوشل میڈیا رپورٹس کے مطابق جنوبی افریقہ کی 37 سالہ خاتون گوسیامی تھمارا سیٹھولے کے ہاں ایک ساتھ 10 بچوں کی پیدائش کا دعویٰ جھوٹ نکلا۔

رپورٹ کے مطابق اس واقعے کی تحقیقات کے بعد معلوم ہوا کہ خاتون نے جھوٹ بولا تھا اور ان کے گھر کسی بچے کی پیدائش نہیں ہوئی ہے اور نہ ہی وہ حاملہ تھی تاہم خاتون کو جھوٹ بولنے اور فراڈ کے الزام میں گرفتار کر لیا گیا۔

[amazonad category=”Auto”]

جنوبی افریقہ کے صوبہ خاؤتنگ کے حکام نے صوبے کے کسی بھی سرکاری اور پرائیویٹ اسپتال میں 10 بچوں کی پیدائش کے واقعے کی تردید کی تھی۔

حکام کا اس حوالے سے کہنا تھاکہ اسپتالوں یا دیگر طبی مراکز میں ایسے کسی واقعے کا ریکارڈ نہیں ہے۔

مزید پڑھیں

خاتون کے ہاں بیک وقت 10بچوں کی پیدائش، عالمی ریکارڈ بھی اپنے نام کرلیا

جنوبی افریقا میں ایک خاتون کے ہاں ایک نہیں دو یا تین...

ابتدائی تحقیقات کے بعد معلوم ہوا کہ 37 سالہ خاتون گوسیامی تھمارا سیٹھولے  نفسیاتی مریضہ ہیں ۔ گزشتہ 2 ہفتوں میں حاملہ ہونے اور زچگی کے آپریشن کے کوئی شواہد نہیں ملے ہیں۔

واضح رہےکہ جنوبی افریقی وزیر نے اس معاملے کے حوالے سے تحقیقات اگلے ہفتے تک مکمل ہونے کا اعلان کیا ہے۔