پارلیمانی لیڈر پاکستان پیپلزپارٹی پنجاب سید حسن مرتضی نے کہا ہے کہ حکمران کھاد بحران پیدا کر کے ملک کی فوڈ سیکورٹی کو داؤ پر لگا رہے ہیں۔
حسن مرتضی نے اپنے جاری کردہ ایک بیان میں کہا کہ پیپلز پارٹی کا ساہیوال ڈویژن میں ٹرالی مارچ 21 جنوری کو ہو گا جبکہ پنجاب سمیت ملک بھر کے ڈویژنل مقامات پر ٹرالی مارچ 24 جنوری کو ہوگا۔
انہوں نے کہا کہ پیپلز پارٹی کسانوں کو حکومتی موشگافیوں کا شکار نہیں ہونے دے گی، حکمران کھاد بحران پیدا کر کے ملک کی فوڈ سیکیورٹی کو داؤ پر لگا رہے ہیں۔
پارلیمانی لیڈر پاکستان پیپلزپارٹی پنجاب سید حسن مرتضی کا مزید کہنا تھا کہ یہ حکومت رہی تو ہمیں گندم ،چینی کی طرح نمک مرچ بھی درآمد کرنے پڑیں گے، نالائقوں کے ٹولے کا ہر دن ملک و قوم پر عذاب بن کر گزر رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News