پی ٹی آئی حکومت کی جانب سے رواں مالی سال جولائی سے جنوری تک مجموعی طور پر 12 ارب ڈالر کا قرضہ لیا گیا ہے۔
اقتصادی امور ڈویژن کے مطابق موجودہ حکومت نے جنوری میں 2 ارب 59 کروڑ قرض لیا اور جولائی سے جنوری کے دوران 2 ارب ڈالرز کے بانڈز کا اجرا ہوا۔
دوسری جانب حکومت نے باہمی معاہدوں کے تحت 19 کروڑ 61 لاکھ ڈالر قرض لیا اور جولائی سے جنوری تک کثیرالجہتی معاہدوں کے تحت 3 ارب 32 کروڑ ڈالر کا قرض لیا۔
یہ بھی پڑھیں؛ عالمی مالیاتی فنڈ کا پاکستان کے روکے ہوئے قرض کی بحالی کا اعلان
اس کے علاوہ کثیرالجہتی معاہدوں کے تحت 3 ارب 26 کروڑ 72 لاکھ ڈالر کا قرض بھی وصول ہوا جب کہ کمرشل بینکوں سے 2 ارب 62 کروڑ 30 لاکھ ڈالر کا قرض حاصل کیا گیا۔
مختلف ممالک اور ملٹی لیٹرل اداروں کی جانب سے 13 کروڑ 74 لاکھ ڈالرز کی گرانٹس ملیں۔ جولائی سے جنوری کے دوران چین سے 10 کروڑ 8 لاکھ ڈالر کا قرض ملا جب کہ جولائی سے جنوری امریکا سے پاکستان کو 4 کروڑ 52 لاکھ ڈالر کا قرضہ موصول ہوا۔
یہ بھی پڑھیں؛ گورنر اسٹیٹ بینک نے بیرون ملک سے قرضہ لینے کی وجہ بتادی
بعد ازاں ایشیائی ترقیاتی بینک کی جانب سے پاکستان کو 1 ارب 9 کروڑ 22 لاکھ ڈالر قرض فراہم کیا گیا جب کہ اسلامک ڈیویلپمنٹ بینک سے پاکستان کو 1 ارب 8 کروڑ 62 لاکھ ڈالر کا قرض ملا۔
یہ بھی پڑھیں؛ گردشی قرضہ خطرناک حد تک بڑھ گیا
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News