وزیر توانائی سندھ امتیاز شیخ نے کہا ہے کہ وفاق اپنی نااہلی کی سزا عوام کو دے رہا ہے۔
امتیاز شیخ نے ایک بار پھر ایل این جی کارگوز کی منسوخی پر تشویش کا اظہار کرتے ہوئے کہا کہ گیس بحران، بجلی بحران، معاشی بحران و دیگر بحران وزیراعظم کے ایم ٹی ایمز کے پیدا کردہ ہیں۔
انہوں نے کہا کہ قوم گرمیوں میں بھی گیس بحران کے لیے تیار رہیں، حکومت کی نااہلی اور ناکامیاں ناقابل برداشت ہوچکی ہے۔
امتیاز شیخ نے کہا کہ کارگوز کی منسوخی سے گرمیوں میں بھی قوم کو گیس بحران برداشت کرنا پڑے گا، ٹینڈر الاٹ ہونے کے بعد کارگوز کی منسوخی کمزور معاہدوں اور بدعنوانیوں کی نشاندہی کرتا ہے۔
یہ بھی پڑھیں: جنوری اور فروری کیلئے ایل این جی کی نئی قیمتیں مقرر
وزیر توانائی سندھ کا کہنا ہے کہ ہنگامی بنیادوں پر مہنگے معاہدوں کا بوجھ عوام کو برداشت کرنا پڑے گا، گیس بحران کا براہ راست تعلق ایل این جی سے ہے، وفاق اپنی نااہلی کی سزا عوام کو دے رہا ہے۔
انہوں نے مزید کہا کہ ایل این جی کے بروقت اور مضبوط معاہدے کیے جاتے تو ملک کو اتنے بڑے گیس بحران کا سامنا نہیں کرنا پڑتا، حکومت اپنی کمزور اور ناقص منصوبہ بندی کی سزا عوام کو دے رہا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News