کورونا کی پانچویں لہر کے دوران راولپنڈی کے تعلیمی اداروں میں بھی عالمی وبا کے وار تیزی سے جاری ہیں۔
راولپنڈی کے مختلف تعلیمی اداروں میں مزید 12 کورونا کے مریض سامنے آ گئے۔
ذرائع کے مطابق گورنمنٹ ایم سی ہائی اسکول تیلی محلہ سے 3 ، گورنمنٹ گرلز ہائی اسکول بنگال سے 6 اور گورنمنٹ گرلز ہائی اسکول گلیانہ گوجر خان سے بھی 3 کورونا کے مریض رپورٹ ہوئے۔
محکمہ صحت نے ان تمام متاثرہ اسکولوں کو اگلے سات دن کے لیے بند کرنے کے احکامات جاری کر دئیے ہیں۔
انتظامیہ نے کورونا ایس او پیز کی خلاف ورزی پر صدیق پبلک اسکول سسکتھ روڈ کو بھی سات دن کے لیے سیل کر دیا۔
کورونا مزید 29 افراد کی جان لے گیا
ملک بھر میں 24 گھنٹے کے دوران مثبت کیسز کی شرح 9.88 فیصد ریکارڈ کی گئی۔
نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گزشتہ 24 گھنٹوں کے دوران کورونا وائرس سے 29 افراد جاں بحق ہوگئے، جس کے بعد اموات کی تعداد 29 ہزار 330 ہوگئی۔
این سی او سی کے مطابق پاکستان میں کورونا کے تصدیق شدہ کیسز کی تعداد 14 لاکھ 36 ہزار 413 ہوگئی۔
نیشنل کمانڈ اینڈ آپریشن سینٹر کے مطابق گزشتہ 24 گھنٹوں کے دوران 6 ہزار 47 نئے کیسز رپورٹ ہوئے۔
AdvertisementStatistics 2 Feb 22:
Total Tests in Last 24 Hours: 61,190
Positive Cases: 6047
Positivity %: 9.88%
Deaths :29
Patients on Critical Care: 1559Advertisement— NCOC (@OfficialNcoc) February 2, 2022
پنجاب میں 4 لاکھ 82 ہزار 316، سندھ میں 5 لاکھ 44 ہزار 722، خیبرپختونخوا میں ایک لاکھ 96 ہزار 328، بلوچستان میں 34 ہزار 501، گلگت بلتستان میں 10 ہزار 737، اسلام آباد میں ایک لاکھ 29 ہزار 4 جبکہ آزاد کشمیر میں 38 ہزار 805 کیسز رپورٹ ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News