حماد اظہر نے کہا ہے کہ گلگت میں ایل پی جی ایئر مکس پلانٹ 6 ماہ میں آپریشنل ہو جائے گا۔
وزیر اعلیٰ گلگت بلتستان جناب خالد خورشید نے وفاقی وزیر توانائی حماد اظہر سے ملاقات کی جس میں گلگت بلتستان کے لیے ایل پی جی سپلائی بڑھانے پر اتفاق ہوا۔
حماد اظہر نے کہا ہے کہ گلگت بلتستان میں ایل پی جی سلنڈر کی قیمت کو کم کرنے میں مدد ملے گی ، پی پی ایل کمیونٹی سماجی ذمہ داری سی ایس آر منصوبوں کے تحت گلگت بلتستان میں کم آ مدنی والے گھروں کی سولرائزیشن شروع کرے۔
انہوں نے کہا کہ گلگت بلتستان کا قومی گرڈ کے ساتھ رابطہ یقینی بنانے کے لیے بجلی کی ترسیل کے نظام میں سرمایہ کاری کریں گے۔
وزیر اعلیٰ گلگت بلتستان خالد خورشید نے سفارشات پرمثبت جواب دینے پر وزیر توانائی کا شکریہ ادا کیا۔
انہوں نے کہا کہ گلگت بلتستان کے عوام کی ترقی کے لیے حماد اظہر کی دلچسپی قابل ستائش ہے۔
واضح رہے کہ اس سے قبل وزیر توانائی حماد اظہر نے ٹوئٹر پر جاری ایک پیغام میں کہا تھا کہ تمام بجلی کمپنیوں کو ہدایت دی ہے کہ شمسی توانائی پر چلنے والے ٹیوب ویلز پر نیٹ میٹرنگ نصب کرنے میں کسان بھائیوں کو آگاہی دیں اور تمام رکاوٹیں فوری تور پر دور کریں۔
انہوں نے کہا تھا کہ اس سہولت سے ٹیوب ویل کے بجلی کے بل میں نمایاں کمی آئے گی۔
یاد رہے کہ کے ڈبلیو 25 تک کی نیٹ میٹرنگ کے لئے کسی لائسنس یا این او سی کی ضرورت نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News