وفاقی وزیر تعلیم شفقت محمود نے کہا ہے کہ ہمارے اتحادیوں اور ہمارا نظریہ ایک ہے۔
شفقت محمود نے لاہور میں میڈیا سے گفتگو کرتے ہوئے کہا کہ یہ سب مل کر شور ڈال رہے ہیں، تین سالوں میں کچھ ہوا نہیں اب کیا کریں گے، تحریک عدم اعتماد لانا چاہتے ہیں تو لائیں یہ انکا آئینی حق ہے۔
انہوں نے کہا کہ ہمارے اتحادی ہمارے ساتھ تھے اور ہیں، ہمارے اتحادیوں کا اور ہمارا نظریہ ایک ہے، جمہوریت میں ہمیشہ ایسا ہوتا ہے کہ کسی چیز پر آگے بڑھتے ہیں تو اس پر گفت و شنید ہوتی ہے۔
شفقت محمود نے کہا کہ وزیر اعظم کا روس کا دورہ بہت اہم تھا، جو ایک گھنٹے کی ملاقات ہونی تھی وہ تین گھنٹے کی ہوئی، وزیر اعظم انتیس سال بعد روس کے دورہ پر گئے۔
وفاقی وزیر کا کہنا ہے کہ ہم ایسی فارن پالیسی لا رہے ہیں جس میں سب ریلیونٹ طاقتوں سے تعلق رہے، جب الیکشن ہوتے ہیں تو کہیں ہار ہوتی ہے اور جیت ہوتی ہے۔
انہوں نے مزید کہا کہ عمران خان کا منڈی بہاولدین میں جلسہ ہوا آپ نے دیکھا عوام کا جم غفیر تھا، میں آپ کے سامنے کھڑا ہوں کہیں سے گھبرایا ہوا لگ رہا ہوں؟
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News