وفاقی وزیر اطلاعات و نشریات فواد چوہدری سے سپریم کورٹ بار ایسوسی ایشن کے صدر محمد احسن بھون اور سیکریٹری وسیم ممتاز کی زیر قیادت وکلاء کے وفد کی ملاقات ہوئی ہے۔
ملاقات میں وکلاء کے لئے ہائوسنگ منصوبے اور وکلاء کالونی کے مسائل کے حل کے حوالے سے تبادلہ خیال ہوا۔
اس موقع پر وفاقی وزیر اطلاعات نے ہائوسنگ اینڈ ورکس ڈیپارٹمنٹ کو وکلاء کالونی کے مسائل ترجیحی بنیادوں پر حل کرنے کی ہدایت کی۔
ڈائریکٹر جنرل ہائوسنگ نے وکلاء وفد کو یقین دہانی کرائی کہ وکلاء کالونی کے مسائل کے حل میں تمام رکاوٹیں جلد دور کی جائیں گی۔
وفاقی وزیر اطلاعات نے وکلاء برادری کو اپنے ہر ممکن تعاون کا یقین دلایا۔
ڈائریکٹر جنرل ہائوسنگ اینڈ ورکس اور ڈائریکٹر لینڈ بھی اس موقع پر موجود تھے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News