وفاقی وزیر تعلیم شفقت محمود نے کہا ہے کہ پیپلزپارٹی کا لانگ مارچ نہیں فراڈ مارچ ہے۔
وزیر تعلیم شفقت محمود نے گوجرانوالہ میں میڈیا سے گفتگو کرتے ہوئے کہا کہ لوٹ مار کے پیسوں سے ہارس ٹریڈنگ کی جارہی ہے۔
انہوں نے کہا کہ پارٹیاں تبدیل کرنا کوئی سیاست نہیں، اپوزیشن تحریک عدم اعتماد کا شوق پورا کر لے، ملک سے بھاگنے والا اپنی جائیدادوں کے بارے میں کچھ نہیں بتا سکا، اپوزیشن کو ناکامی کا سامنا کرنا پڑے گا۔
شفقت محمود نے کہا کہ وزیراعظم نے کل میلسی میں کامیاب جلسہ کیا، پیپلزپارٹی کا لانگ مارچ نہیں فراڈ مارچ ہے۔
وفاقی وزیر نے مزید کہا کہ ایک صاحب پی ٹی آئی میں شامل ہوئے تھے، کل کہا گیا اپنے گھر لوٹ گیا، پی ٹی آئی میں آئے کیوں تھے؟ پی ٹی آئی چھوڑنے والوں کی سیاست ختم ہوجائےگی، اپوزیشن نے ہارس ٹریڈنگ کا بازار گرم کررکھا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News