کرکٹ کی جنم بھومی انگلینڈ میں پہلی بار کاؤنٹی کرکٹ مقابلوں میں سبز رنگ کی گیند استعمال کرنے کے تجربات شروع کئے جائیں گے۔
انگلینڈ کی مشہور کاؤنٹی کرکٹ کلب لیسٹر نے سماجی رابطے کی ویب سائٹ پر سبز رنگ کی گیند کو آزمائشی طور پر استعمال کرنے کا عندیہ دیا ہے۔
🚨 𝗔𝗡𝗡𝗢𝗨𝗡𝗖𝗘𝗠𝗘𝗡𝗧 🚨
LCCC will be trialing 'Green' Cricket balls in our first @CountyChamp fixture next week against @WorcsCCC.
AdvertisementThe green Cricket balls are an addition to the club's rebranding around Uptonsteel County Ground.
🦊 #RunningFoxes | #CountyTogether pic.twitter.com/k8c8ncYpqo
— Leicestershire CCC 🏏 (@leicsccc) April 1, 2022
ریڈ بال اور سفید لباس سے شروع ہونے والا یہ جنٹلمین کھیل اب جدید کرکٹ کے نام پر تبدیلیوں کے مراحل سے گزر رہا ہے۔
کیری پیکر ورلڈ سیریز کرکٹ نے پہلی دفعہ روایتی کرکٹ کو جدت سے روشناس کرایا تھا، سفید بال ، رنگین لباس اور برقی قمقموں کی روشنی میں کھیل نے کرکٹ کی ہئیت ہی بدل کر رکھ دی تھی۔
کیری پیکر کی اس ذہنی اختراع نے جہاں کرکٹ کو مارکیٹ ویلیو دی وہیں کھلاڑی اور کرکٹ بورڈز بھی مالی طور پر آسودہ ہوئے۔
پیسے کی چمک دمک نے کرکٹ منتظمین کو مجبور کیا کہ وہ کیری پیکر کی ان تبدیلیوں کو روایتی کرکٹ میں جگہ دیں۔
1992 میں آسٹریلیا میں ہونے والا کرکٹ ورلڈ کپ بھی اسی سلسلے کی ایک کڑی تھی جس میں روایتی کرکٹ سے ہٹ کر کیری پیکر کی تبدیلیوں کو گود لیا گیا۔
یہ رنگین ورلڈ کپ ہر ایک کو بھا گیا، اسپانسرز اور براڈ کاسٹرز کی آنکھیں بھی کرکٹ کی اس رنگینی کو دیکھ کر دنگ رہ گئیں۔
کرکٹ پر گہری نظر رکھنے والوں کا کہنا کہ 1992 کے ورلڈ کپ کے بعد کرکٹ میں وائٹ بال کی حکمرانی نے کرکٹ کو نیا جنم دیا۔
ٹیسٹ کرکٹ کے بطن سے ون ڈے کرکٹ اور پھر ون ڈے کرکٹ کے بطن سے ٹی ٹوئنٹی کرکٹ کے جنم تک کے سفر میں کرکٹ نے بہت سے اتار چڑھاؤ دیکھے۔
اسی طرح ریڈ بال سے وائٹ بال اور پھر اس کے بعد پنک بال تک کا سفر بھی انتہائی دلچسپ ہے۔
حال ہی میں لیسٹر شائر کی جانب سے کرکٹ میں سبز رنگ کی گیند کے استعمال کا اعلان کرکٹ کو ایک نئی راہ پر گامزن کرنے جا رہا ہے۔
لیسٹر کاؤنٹی کرکٹ کلب نے کہا ہے کہ اگلے ہفتے وہ کرکٹ میچز میں گرین بال کا تجربہ کرے گا۔
اس بات سے قطع نظر کہ یہ آزمائشی تجربہ کامیاب ہو گا یا نہیں لیکن بہرحال کرکٹ کو مزید جدت سے ہم آہنگ کرنے کی ایک کوشش ضرور ہے۔
ماہرین کرکٹ نے سبز رنگ کی گیند کے استعمال کو ڈراؤنا خواب قرار دے دیا ہے، ان کا کہنا ہے سبز رنگ کی گیند کا کرکٹ کے میدانوں میں استعمال بے حد مشکل ہے۔
ماہرین کے مطابق گیند کا رنگ اور میدان کی گھاس کا رنگ سبز ہونے سے کھلاڑیوں کو کافی مشکلات پیش آ سکتی ہیں۔
ماہرین نے سبز رنگ کی گیند کے تجربے کو قبل ازوقت ہی ناکام قرار دے دیا۔
اب دیکھنا یہ ہے کہ کرکٹ میں سبز رنگ کی گیند کا سفر اپنے آزمائشی سفر سے آگے نکل کر عالمی سطح پر اپنی جگہ بنا سکتا ہے یا نہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News