وزیراعظم شہباز شریف کا کہنا ہے کہ دورہ سعودی عرب سے پاکستان کے ساتھ دوستی کا رشتہ مزید پختہ ہوجائیگا۔
سماجی رابطے کی ویب سائٹ پر وزیراعظم شہباز شریف نے اپنے دورہ سعودی عرب کے متعلق آگاہ کیا ہے۔
Today I am embarking on a visit to Saudi Arabia to renew & reaffirm our bonds of brotherhood & friendship. I will have wide-ranging discussions with Saudi leadership. KSA is one of our greatest friends & as Custodian of the Two Holy Places, has a special place in all our hearts.
Advertisement— Shehbaz Sharif (@CMShehbaz) April 28, 2022
وزیراعظم نے اپنے پیغام میں کہا ہے کہ وہ آج سعودی عرب کے 03 زورہ دورے پر روانہ ہورہے ہیں ۔
انہوں ے بتایا کہ اس دورے کے حوالے سے توقعات ہیں کہ دونوں ممالک کے درمیان دوستی اور بھائی چارے کا رشتہ پہلے سے زیادہ مضبوط ہوجائیگا۔
انہوں نے کہا کہ اس دورے کے دوران وہ سعودی قیادت سے وسیع پیمانے پر بات کرینگے جو کہ پاکستان کے مخلص دوستوں میں سے ایک ہے۔
دوسری جانب وزارت خزانہ کے ذرائع کا کہنا ہے کہ وزیر اعظم شہباز شریف کے دورے کے دوران سعودی ولی عہد شہزادہ محمد بن سلمان سے ریلیف پیکیج پر بات چیت ہوگی۔
ذرائع وزارت خزانہ کا کہنا ہے کہ سعودی عرب پاکستان کو 6 سے 8 ارب ڈالر کا ریلیف پیکج دے سکتا ہے۔
سعودی عرب سے ادھار تیل، ایل این جی اور یوریا کھاد کی سہولت پر بھی بات چیت ہوسکتی ہے، ادھار تیل کی سہولت کے پروگرام کا حجم دگنا کیا جاسکتا ہے۔
ذرائع کا کہنا ہے کہ سعودی عرب کی ضمانت پر سعودی بینکوں سے سستے قرضوں کی فراہمی پر بھی بات چیت ہوسکتی ہے۔
سعودی عرب میں پاکستانیوں کے لیے روزگار کے مواقع بڑھانے پر بھی بات چیت کا امکان ہے، کورونا کے دوران بے روزگار ہونے والے پاکستانیوں کی نوکری بحالی کے امور پر بھی بات چیت ہوسکتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News