اسپیکر قومی اسمبلی راجہ پرویز اشرف نے کہا ہے کہ پاکستان اور چین مشکل حالات کے دوست ہیں، سی پیک کو سبوتاژ کرنے کیلئے پروپیگنڈہ کو کسی صورت برداشت نہیں کیا جائیگا۔
اسپیکر قومی اسمبلی راجہ پرویز اشرف نے تقریب سے خطاب کرتے ہوئے کہا کہ پاکستان اور چین کے درمیان 71 سالہ اسٹرٹیجک تعلقات ہیں اور ذوالفقار علی بھٹو چین پاکستان تعلقات کے معمار ہیں۔
انہوں نے کہا کہ بینظیر بھٹو اور سابق صدر آصف علی زرداری نے چین کے دورے کئے اور مارچ 2013 میں گوادر پورٹ کو چین کے تعاون سے آپریشنلائز کیا گیا۔
انہوں نے کہا کہ اب تک سی پیک کے ذریعے درجنوں انفراسٹرکچر اور عوامی فلاح کے منصوبے مکمل کئے گئے ہیں ۔
انہوں نے کہا کہ CPEC کے ذریعے چین نے پاکستان کے بہتر مستقبل کی تعمیر کی صلاحیت کو اعتماد کا ووٹ دیا ہے۔
اسپیکر قومی اسمبلی کا کہنا تھا کہپاکستان کی پارلیمان سی پیک منصوبوں کی جلد تکمیل کے حوالے سے دلچسپی لے رہی ہے اور اس حوالے سے اپنا کلیدی کردار ادا کررہی ہے جس سے بلخصوص بلوچستان اور بلعموم پورے میں سی پیک منصوبوں کے ذریعے خوشحالی آئیگی۔
ان کا کہنا تھا کہ سی پیک کو سبوتاژ کرنے کیلئے پروپیگنڈہ کو کسی صورت برداشت نہیں کیا جائیگا ، میڈیا کی بھی ذمہ داری وہ سی پیک کے حوالے سے جعلی خبروں کو جگہ نہ دے۔
راجہ پرویز اشرف نے کہا کہ دونوں ممالک کے ذرائع ابلاغ کو ایک دوسرے سے مثبت خبروں کا تبادلہ کرنا چاہیے تاکہ سی پیک کے حوالے سے غلط خبروں اور پروپیگنڈوں کا مقابلہ کرسکیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News