دنیا کی سب سے بڑی دہشت گرد تنظیم القاعدہ نے توہینِ رسالت ﷺ کے حالیہ واقعے پر بھارت کے لیے ایک دھمکی آمیز پیغام جاری کیا ہے۔
القاعدہ کی جانب سے جاری پیغام میں کہا گیا ہے کہ “ہمارے نبی ﷺ کی شان کے لیے لڑنے کے لیے گجرات، یوپی، ممبئی اور دہلی میں خود کو دھماکے سے اڑانے کے لیے تیار ہیں۔”
دھمکی آمیز بیان میں کہا گیا ہے کہ ”زعفرانی دہشت گردوں کو اب دہلی اور ممبئی اور یوپی اور گجرات میں اپنے انجام کا انتظار کرنا چاہئے”۔
پیغام میں مزید کہا گیا کہ “انہیں نہ اپنے گھروں میں پناہ ملے گی اور نہ ہی اپنی قلعہ بند فوجی چھاؤنیوں میں۔ اگر ہم نے اپنے پیارے نبی ﷺ کا بدلہ نہ لیا تو ہماری مائیں ہم پر سوگوار رہیں۔”
القاعدہ کا کہنا ہے کہ “ہم ان لوگوں کو مار ڈالیں گے جو ہمارے نبی ﷺ کی توہین کریں گے، ہم اپنے اور اپنے بچوں کے جسموں کے ساتھ دھماکہ خیز مواد باندھیں گے تاکہ ان لوگوں کی صفوں کو اڑائیں جو ہمارے نبی ﷺ کی توہین کرنے کی جرات کرتے ہیں … انہیں کوئی معافی نہیں ملے گی نہ امن اور سلامتی انہیں بچائے گی، یہ معاملہ مذمت یا افسوس کے الفاظ کے ساتھ ختم نہیں ہوگا۔
دھمکی آمیز بیان میں ہندوستان پر قابض ہندوتوا دہشت گرد کا ذکر کیا گیا اور کہا گیا کہ “ہم اپنے نبی ﷺ کی عزت کے لیے لڑیں گے، ہم دوسروں کو اپنے نبی ﷺ کی عزت کے لیے لڑنے اور مرنے کی ترغیب دیں گے۔”
سوشل میڈیا صارفین کی جانب سے شیئر کیے گئے دھمکی آمیز بیان میں بی جے پی کی ایک عہدیدار نوپور شرما کے متنازع ریمارکس کا حوالہ دیا گیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News