شمالی وزیرستان، پولیو وائرس کا ایک اور کیس سامنے آگیا ہے۔
تفصیلات کے مطابق شمالی وزیرستان کے ہیڈ کوارٹر میران شاہ میں 20 ماہ کے بچے میں وائرس کی تصدیق ہوگئی ہے۔
ایمرجنسی آپریشن سینٹر کا کہنا ہے کہ صوبے میں رواں سال پولیو سے متاثرہ بچوں کی تعداد 8 ہوگئی ہے، متاثرہ تمام بچوں کا تعلق شمالی وزیرستان سے ہے۔
ایمرجنسی آپریشن سینٹر نے بتایا کہ بچے کو ابتدائی ٹیکے بھی نہیں لگوائے گئے، صرف چند مہمات کے دوران انسداد پولیو کے قطرے پلوائے گئے تھے۔
واضح رہے کہ پولیو کے دوقطرے ہمارے بچوں کوعمر بھر کی معذوری سے بچا سکتے ہیں، پورے ملک میں 23 مئی سے پولیو مہم جاری ہے۔
پولیوکے قطرے پلانا اوربچوں کو بیماری سے بچانا ہمارا مذہبی اوراخلاقی فرض ہے، لیکن پولیوکے خاتمے کی اس جنگ کو والدین کی مدد کے بغیرنہیں جیتا جا سکتا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News