عدالت نے سگریٹ نوشی سے منع کرنے پرقتل کے مقدمے میں جرم ثابت ہونے پرملزم کوعمرقید کی سزا دے دی۔
تفصیلات کے مطابق گھرکے سامنے پڑوسی کو کھڑے ہوکرسگریٹ نوشی پرمنع کرنے پرقتل کے معاملے میں ایڈیشنل ڈسٹرکٹ اینڈ سیشن جج شرقی کراچی کی عدالت نے شہری عمران کے قتل کیس کا فیصلہ سنادیا۔
عدالت نے جرم ثابت ہونے پرملزم قاسم کوعمرقید کی سزا سناتے ہوئے 5 لاکھ روپے جرمانہ بھی عائد کردیا۔
ایڈیشنل ڈسٹرکٹ انڈ سیشن جج نے کہا کہ ملزم جرمانے کی رقم مقتول کے ورثا کو ادا کرے۔
مدعی مقمہ کے مطابق 20 فروری 2021 کو ملزم قاسم میرے گھر کے سامنے کھڑے ہوکر سگریٹ پی رہا تھا۔ ملزم کو منع کیا تو اس نے چیخنا چلانا شروع کردیا۔
مدعی مقدمہ کامران نے بتایا کہ لڑائی جھگڑا شروع ہوا تھا ملزم قاسم نے میرے بھائی عمران پر گولی چلادی۔
پولیس کا کہنا ہے کہ مقتول جناح اسپتال میں دم توڑگیا تھا۔ ملزم کے خلاف جمشید کوارٹرز تھانے میں مقدمہ درج کیا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News