وزیر خزانہ نےکہا ہےکہ حکومت ملک میں سرمایہ کاری کیلئے سازگار ماحول فراہم کرنے پر توجہ دے رہی ہے۔
تفصیلات کے مطابق وفاقی وزیر خزانہ و محصولات سینیٹر محمد اسحاق ڈار سے اتصلات کے وفد نے ملاقات کی۔
ملاقات ابوظہبی میں پاکستانی سفارت خانہ میں ہوئی جس میں اتصلات سے متعلق امورکابھی جائزہ لیا گیا۔
اتصلات کے وفد نے وزیر خزانہ کوپاکستان میں کمپنی کے آپریشنز اورمستقبل کے کاروباری منصوبوں کے بارے میں آگاہ کیا۔
ملاقات میں وزیر خزانہ نے کہا کہ حکومت ملک میں تجارت، کاروبار اور سرمایہ کاری کیلئے سازگار ماحول فراہم کرنے پر خصوصی توجہ دے رہی ہے اور اس مقصدکیلئے اصلاحات کے پروگرام پرعمل درآمد بھی کیا جارہا ہے۔
وزیر خزانہ محمد اسحاق ڈار نے مزید کہا کہ حکومت ملک میں سرمایہ کاری میں مکمل معاونت فراہم کرے گی۔
اس سے قبل وزیر خزانہ اسحاق ڈار کی زیر صدارت یوٹیلیٹی اسٹورز کارپوریشن کے ذریعے وزیراعظم کے ریلیف پیکج پر فالو اپ اجلاس ہوا ہے۔
اجلاس میں نچلے طبقے کو ریلیف فراہم کرنے کے لیے ٹارگٹڈ اور جامع ہائبرڈ ماڈل پر غور کیا گیا جبکہ اجلاس میں سبسڈی کے مالی اثرات کو بھی زیر غور لایا گیا۔
اجلاس میں وزیرخزانہ کو وزیراعظم کے ریلیف پیکج کے بارے میں بھی بریفنگ دی گئی۔
بریفنگ دیتے ہوئے کہا گیا کہ عوام کی سہولت کے لیے یوٹیلیٹی اسٹورز کے ذریعے پانچ ضروری اشیاء دالیں، آٹا، چینی، چاول اور گھی پر سبسڈی فراہم کی گئی ہے۔
اجلاس کی صدارت کرتے ہوئے وزیر خزانہ اسحاق ڈار نے حکومت کے غریبوں کو ریلیف دینے کے عزم کا اظہار کیا۔
موجودہ حکومت عوام کے مسائل سے بخوبی آگاہ ہے، عوام کو زیادہ سے زیادہ رہلیف فراہم کرنا حکومت کی اولین ترجیح ہے۔
اجلاس میں وزیر صنعت و پیداوار مخدوم سید مرتضیٰ محمود، وزیر اعظم کے معاونین خصوصی طارق باجوہ، طارق محمود پاشا، سیکرٹری خزانہ سمیت دیگر متعلقہ افسران نے شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News