کراچی پولیس کی نفری نے پی ٹی آئی کے پرامن مارچ پر چڑھائی کردی، پولیس کی جانب سے مظاہرین پر شیلنگ اور لاٹھی چارج کی گئی جس کے نتیجے میں پی ٹی آئی رکن سندھ اسمبلی راجا اظہر بھی زخمی ہوگئے ہیں۔

جناح اسپتال سے شارع فیصل آنے والا راستہ عارضی طور پر بند کردیا گیا ہے جبکہ کارکنان نے شارع فیصل کا دوسرا ٹریک بھی بند کردیا۔

کراچی: شارع فیصل پر پولیس کی مظاہرین پر شیلنگ
بول نیوز سے براہ راست دیکھئے:https://t.co/U1uaRuwOwt#Protest pic.twitter.com/KofTX0NAmC

Advertisement

— BOL Network (@BOLNETWORK) November 4, 2022

ریجینٹ پلازہ کے قریب کارکنان کو روکنے کی کوشش کرتے ہوئے پولیس کی جانب سے مظاہرین پر شیلنگ کی گئی جبکہ پی ٹی آئی کارکنان نے پولیس پر پتھراؤ کرنا شروع کردیا جبکہ خواتین کارکنان کی بھی پولیس سے تلخ کلامی ہوئی۔

شاہراہ فیصل پر پولیس کی لاٹھی چارج اور بھگدڑ سے پی ٹی آئی رکن سندھ اسمبلی راجا اظہر زخمی ہوگئے جبکہ شارع فیصل پر پولیس کی جانب سے متعدد مظاہرین کوحراست میں لے لیا گیا۔

پی ٹی آئی رکن سندھ اسمبلی راجا اظہر زخمی

Advertisement

بول نیوز سے براہ راست : https://t.co/U1uaRuOXKB#ImranKhan @PTIofficial@ImranKhanPTI pic.twitter.com/CLLHZrShmY

— BOL Network (@BOLNETWORK) November 4, 2022

حراست میں لئے گئے مظاہرین میں خواتین بھی شامل ہیں جبکہ زیر حراست مظاہرین کو پولیس موبائل میں منتقل کرکے نامعلوم مقام پر لے جایا جارہا ہے۔

آنسو گیس شیلنگ اور گرفتاریوں سے بچنے کے لئے مظاہرین منتشر ہوگئے جبکہ مظاہرین ایف ٹی سی پل کے قریب بڑی تعداد میں جمع بھی ہوگئے۔

کراچی میں پولیس کی شیلنگ اور لاٹھی چارج ، پی ٹی آئی کارکنان کی مذمت

کراچی میں پولیس کی جانب سےمظاہرین پر شیلنگ اور لاٹھی چارج پر پی ٹی آئی کارکنان نے مذمت کی ہے۔

علی زیدی

پی ٹی آئی سندھ کے صدر و سابق وفاقی وزیر علی زیدی نے کراچی میں پی ٹی آئی کارکنان پر لاٹھی چارج اور شیلنگ نے مذمت کی ہے۔

انہوں نے کہا کہ پر امن کارکنان پر لاٹھی چارج اور شیلنگ کی پر زور مذمت کرتا ہوں، پر امن احتجاج میں شریک خواتین، بچوں اور کارکنان پر شیل برسائے جارہے ہیں۔

پی ٹی آئی سندھ کے صدر نے یہ بھی کہا کہ ملک سے اب جمہوریت ختم ہو چکی ہے، ہمیں مسلسل ریاستی دہشتگردی کا نشانہ بنایا جارہا ہے۔

علی زیدی کا کہنا تھا کہ یہ امپورٹڈ حکومت اب پر امن عوام سے بھی خوفزدہ ہے لیکن یہ تحریک ظلم اور جبر سے نہیں روکی جا سکتی، یہ تشدد کریں گے تو عوامی ردعمل ضرور آئے گا۔

پی ٹی آئی سندھ کے صدر و سابق وفاقی وزیر علی زیدی کا مزید کہنا تھا کہ شاہراہِ فیصل پر موجود کارکنان کو خراج تحسین پیش کرتا ہوں، بے ضمیر امپورٹڈ حکومت کے دن گنے جا چکے ہیں، عمران خان کے مطالبے تک ہمارا احتجاج جاری رہے گا۔

حلیم عادل شیخ

اپنے ایک بیان میں اپوزیشن لیڈر سندھ اسمبلی حلیم عادل شیخ نے بھی کراچی میں پی ٹی آئی کے احتجاج پر پولیس گردی کی مذمت کی ہے۔

حلیم عادل شیخ نے کہا کہ پرامن احتجاج پر پولیس گردی کی جارہی ہے، سندھ کی غلام پولیس اپنے آقاؤں کو خوش کرنے میں مصروف ہے۔

انہوں نے یہ بھی کہا کہ امپورٹڈ حکومت کی سہولتکار سندھ حکومت غلامی کا قرض اتارنے میں مصروف ہے، انقلاب سے تخت زردار بھی اب جاتا ہوا دکھائی دے رہا ہے۔

اپوزیشن لیڈر سندھ اسمبلی حلیم عادل شیخ نے مزید کہا کہ آئی جی سندھ نوکری کی بجاء بھرپورغلامی پر اتر آئے ہیں، سندھ کی غلام پولیس اورغلام  وزراء سے حساب ضرور لیں گے۔

ارسلان تاج

پی ٹی آئی سندھ کے ترجمان و رکن سندھ اسمبلی ارسلان تاج نے مذمت کرتے ہوئے کہا کہ پر امن احتجاج کرنا سب کا جمہوری حق ہے، تحریک انصاف کے ہر امن مارچ کے شرکاء پر پولیس کی جانب سے لاٹھی چارج کی شدید مذمت کرتے ہیں۔

انہوں نے کہا کہ سندھ پولیس صوبائی حکومت کی غلام بن چکی ہے، مظاہرے میں خواتین، بچے، اور بزرگ بھی موجود تھے۔

پی ٹی آئی سندھ کے ترجمان و رکن سندھ اسمبلی ارسلان تاج نے مزید کہا کہ لاٹھی چارج اور آنسو گیس کی زد میں آگر کارکنان اور رہنماؤں کی حالت غیر ہوگئی، پہلے ہی کہا تھا کہ ہمارا احتجاج پر امن ہوگا اسکے باوجود پولیس نے نہتے لوگوں پر اپنی طاقت کا استعمال کیا۔