توشہ خانہ کیس کے معاملے میں محسن شاہ نوازرانجھا کے وکیل نے عدالت سے دلائل کے لیے ایک ہفتے کی مہلت مانگ لی۔
اسلام آباد ہائی کورٹ میں توشہ خانہ کیس کے معاملے پرالیکشن کمیشن کے نااہلی فیصلے کے خلاف عمران خان کی درخواست پر سماعت ہوئی۔
عمران خان کے وکیل علی ظفر، الیکشن کمیشن کے وکلا کے علاوہ لیگی رہنما محسن شاہ نواز رانجھا اپنے وکیل کے ہمراہ عدالت کے سامنے پیش ہوئے۔
چیف جسٹس عامر فاروق نے سماعت کرتے ہوئے کہا کہ پہلے علی ظفر صاحب دلائل شروع کر لیں۔
وکیل الیکشن کمیشن نے مؤقف اپنایا کہ پارٹی کی صدارت سے ہٹانے کی کارروائی شروع کی ہے، سیشن کورٹ میں عمران خان کے خلاف فوجداری مقدمہ قابل سماعت ہونے پر فیصلہ محفوظ ہوا ہے۔
چیف جسٹس اسلام آباد ہائی کورٹ نے کہا کہ دو سے تین ہفتوں میں سن کر فیصلہ کردیں گے۔
فیصل واوڈا کیس میں سپریم کورٹ کے فیصلے کا ذکر
اسلام آباد ہائی کورٹ میں توشہ خانہ کیس کی سماعت کے دوران فیصل واوڈا کیس کے سپریم کورٹ کے فیصلے کا ذکرہوا۔ چیئرمین پی ٹی آئی عمران خان کے وکیل بیرسٹر علی ظفر نے دلائل میں کہا کہ 62 ون ایف کے تحت ڈیکلیریشن نہ ہونے کے سبب اسپیکر قومی اسمبلی کا فیصلہ غیر قانونی اورغیرآئینی تھا۔
بیرسٹرعلی ظرنے دلائل میں کہا کہ الیکشن کمیشن کورٹ آف لا نہیں، 62 ون ایف کی دیکلیریشن نہیں دے سکتا، الیکشن کمیشن کے پاس کسی ممبر کو نااہل کرنے کا اختیار نہیں۔ سپریم کورٹ کے فیصلے موجود ہیں کہ الیکشن کمیشن کورٹ آف لاء نہیں ہے۔
عدالتِ عالیہ نے استفسار کیا کہ آرٹیکل 63 ایف کے تحت نااہلی سے تو صادق اور امین والی بات نکل گئی؟ جس پر وکیل عمران خان نے کہا کہ الیکشن کمیشن نے فیصل واڈا کیس کو مدنظر رکھتے ہوئے میرے مؤکل کے خلاف فیصلہ دیا۔ اسپیکر نے الیکشن کمیشن کو درخواست کے اوپر ریفرنس بیجھا۔
بیرسٹر علی ظفر نے مذید دلائل دیے کہ الیکشن کمیشن نے متعلقہ ٹرائل کورٹ کو کیس بیجھا ہے جہاں اس پر باقاعدہ ٹرائل ہوگا۔ ٹرائل کورٹ اگر خلاف فیصلہ دیں تب الیکشن کمیشن نااہلی کا فیصلہ کریگی۔ عمران خان نے 20 فیصد ادائیگی کے بعد تحفے حاصل کئے، چالان کی کاپی فراہم کی ہے۔
لیگی رہنما محسن شاہ نوازرانجھا کے وکیل نے عدالت سے دلائل کے لیے ایک ہفتے کی مہلت مانگ لی۔
عدالت نے کیس کی سماعت 20 دسمبر تک ملتوی کر دی، آئندہ سماعت پر بھی دلائل جاری رہیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News