آسٹریلیا کے جارح مزاج اوپنر ڈیوڈ وارنر نے ان خبروں کی سختی سے تردید کی ہے کہ وہ ٹیسٹ کرکٹ سے رٹائرمنٹ کا ارادہ رکھتے ہیں۔
تفصیلات کے مطابق آسٹریلوی اوپنر ڈیوڈ وارنر نے اپنے 100 ویں ٹیسٹ میں ڈبل سنچری اسکور کی تھی انہوں نے آج ٹیسٹ کرکٹ سے اپنی رٹائرمنٹ کی افواہوں کی تردید کرتے ہوئے کہا کہ وہ اگلے سال بھارت اور انگلینڈ کے خلاف سیریز کھیلیں گے۔
واضح رہے کہ گزشتہ دو ماہ سے آؤٹ آف فارم ڈیوڈ وارنر کی رٹائرمنٹ کی خبریں میڈیا میں گردش کر رہی تھی، لیکن میلبورن کرکٹ گراؤنڈ میں ان کی فارم شاندار ڈبل سنچری کے ساتھ بحال ہوئی۔
اپنے ایک بیان میں ڈیوڈ وارنر نے کہا کہ وہ اتنی ہی خوش جگہ پر ہیں جیسا کہ میں ایک طویل عرصے سے رہا ہوں۔
یہ بھی پڑھیں: ڈیوڈ وارنر کا ٹیسٹ کرکٹ سے رٹائر ہونے کا عندیہ
انہوں نے مزید کہا کہ سلیکٹرز نے انہیں بتایا تھا کہ ان کی نظریں وہ فروری مارچ میں بھارت کے خلاف چار ٹیسٹ میچوں اور پانچ ٹیسٹ میچز کی ایشز سیریز پر ہیں۔
ڈیوڈ وارنر کا مزید کہنا تھا کہ میرے لیے اضافی حوصلہ افزائی بھارت میں جیتنا اور انگلینڈ میں سیریز جیتنا ہے۔
“ڈیوڈ وارنر نے کوچ اور سلیکٹرز کے حوالے سے بتایا کہ وہ دونوں بھی چاہتے ہیں میں ان دونوں سیریز میں ٹیم کا حصہ بنوں۔
یہ بھی پڑھیں: ڈیوڈ وارنر کا زنانہ لُک سوشل میڈیا پر وائرل
وارنر نے کہا کہ وہ اچھی طرح جانتے ہیں کہ کرکٹ کو چھوڑنے کا صحیح وقت کب ہے، لیکن وہ وقت ابھی آیا نہیں ہے۔
وارنر نے مزید کہا کہ میں اب بھی اپنی کرکٹ سے لطف اندوز ہو رہا ہوں اور میں اب بھی جانتا ہوں کہ میں ٹیم میں کیا توانائی لا سکتا ہوں۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News