بھارتی ایئر فورس کے دو لڑاکا طیارے فضا میں ایک دوسرے سے ٹکرا کر تباہ ہو گئے، ایک پائلٹ ہلاک تین زخمی ہو گئے ہیں۔
غیر ملکی میڈیا کی خبروں کے مطابق بھارتی ایئر فورس کے سخوئی 30 اور میراج 2000 بھارتی ریاست مدھیہ پردیش میں مشقوں کے دوران ایک دوسرے سے ٹکرا کر تباہ ہو گئے۔
بھارتی فضائیہ کے ترجمان کے دو لڑاکا طیارے دارالحکومت نئی دہلی کے جنوب میں تقریباً 3 سو کلومیٹر کے فاصلے پر تصادم کے بعد گر کر تباہ ہو گئے ہیں۔
ریسکیو ذرائع کے مطابق حادثے میں ایک پائلٹ ہلاک ہو گیا ہے جبکہ تین زخمی ہیں، ایک طیارے کا ملبہ مل گیا جبکہ دوسرے طیارے کے ملبے کی تلاش جاری ہے۔
پائلٹوں کی مدد کے لیے ریاست مدھیہ پردیش میں ریسکیو آپریشن جاری ہے۔
بھارتی ایئر فورس کے مطابق دونوں طیاروں نے آج صبح گوالیار ایئربیس سے اڑان بھری تھی.
بھارتی ایئر فورس کے افسر دھرمیندر گوڑ نے خبر رساں ادارے ادارے کو بتایا کہ ہمیں ایک طیارے کا ملبہ ملا ہے اور پہاڑ گڑھ کے جنگلات میں ایک زخمی پائلٹ ملا ہے۔”
دوسرا طیارہ ممکنہ طور پر سائٹ سے مزید دور گر گیا ہے اور ہم نے اسے تلاش کرنے کے لیے ٹیمیں بھیج دی ہیں۔
یہ بھی پڑھیں : بھارتی ائیرفورس کا ایک اور طیارہ زمین بوس ہو گیا، پائلٹ محفوظ
دریں اثنا، مقامی منتظم انکت استھانہ نے خبر رساں ادارے ادارے کو بتایا کہ ایک جیٹ کے عملے کے تین ارکان میں سے دو کو بچا لیا گیا اور انہیں ہسپتال منتقل کر دیا گیا۔
عملے کے تیسرے رکن کی حالت فوری طور پر واضح نہیں ہوسکی اور نہ ہی دوسرے طیارے کے عملے کے بارے میں کوئی تفصیلات جاری کی گئیں۔
ایک بھارتی نیوز ایجنسی نے دفاعی ذرائع کا حوالہ دیتے ہوئے ایک ٹوئٹ میں کہا کہ بھارت کی ریاست مدھیہ پردیش میں گر کر تباہ ہونے والے طیارے سخوئی 30 اور میراج 2000 تھے۔
واضح رہے کہ بھارتی فضائیہ کے لڑاکا طیاروں کے حادثے اب معمول بن چکے ہیں، متعدد دفاعی ماہرین نے بھارتی فضائیہ کے لڑاکا طیاروں کے معیار پر تنقید کی ہے۔
یہ بھی پڑھیں : بھارتی چیف آف ڈیفنس جنرل بپن راوت ہیلی کاپٹر حادثے میں ہلاک
گزشتہ اکتوبر میں فوج کے پانچ سپاہی اس وقت ہلاک ہو گئے تھے جب ان کا ایک ہیلی کاپٹر ملک کی عسکری اور متنازع سرحد کے قریب اروناچل پردیش ریاست میں گر کر تباہ ہو گیا تھا.
اس ماہ شمال مشرقی ریاست میں یہ دوسرا فوجی ہیلی کاپٹر حادثہ تھا، جس کے چند ہفتوں بعد چیتا ہیلی کاپٹر توانگ قصبے کے قریب گرنے کے بعد اس کا پائلٹ ہلاک ہو گیا۔
یاد رہے کہ بھارت کے دفاعی سربراہ جنرل بپن راوت ان 13 افراد میں شامل تھے جب دسمبر 2021 میں ان کا روسی ساختہ ایم آئی 17 ہیلی کاپٹر انہیں ایئر فورس کے اڈے پر لے جاتے ہوئے گر کر تباہ ہو گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News