الیکشن کمیشن کو گورنر خیبرپختونخوا کا خط موصول ہونے کے بعد چیف الیکشن کمشنر نے خیبرپختونخوا میں انتخابات کی تیاریوں سے متعلق کل اہم اجلاس طلب کرلیا۔
تفصیلات کے مطابق الیکشن کمیشن آف پاکستان کو گورنر خیبرپختونخوا کا خط موصول ہوگیا جس کے بعد چیف الیکشن کمشنر نے خیبرپختونخوا میں انتخابات کی تیاریوں سے متعلق کل اہم اجلاس طلب کرلیا۔
ذرائع الیکشن کمیشن کا کہنا ہے کہ الیکشن کمیشن خیبرپختونخوا میں انتخابات کا شیڈول جلد جاری کرے گا، کمیشن کو خیبرپختونخوا میں انتخابات کی تیاریوں کیلئے 54 دن درکار ہیں۔
ترجمان الیکشن کمیشن کا کہنا ہے کہ گورنر پنجاب کی جانب سے پنجاب میں انتخابات کی تاریخ تاحال تجویز نہیں کی گئی۔
یہ بھی پڑھیں؛ گورنر خیبرپختونخوا نے صوبہ میں انتخابات کے لیے تاریخ دیدی
دوسری جانب الیکشن کمشین نے نگراں وزرائےاعلیٰ پنجاب اورکے پی کوخط لکھ کر صوبوں میں ٹرانسفرپوسٹنگ جلد مکمل کرنےکی ہدایت کرتے ہوئے کہا کہ صوبوں کے چیف سیکرٹریزاورآئی جیز کو جلد تبدیل کرلیں۔
خط میں کہا گیا کہ شفاف انتخابات کے لیے ہرممکن ٹرانسفرپوسٹنگ کاعمل مکمل کیا جائے، الیکشن کمیشن جلد صوبوں میں عام انتخابات کا شیڈول جاری کرے گا، انتخابی شیڈول کے بعد کسی بھی قسم کی ٹرانسفرپوسٹنگ بند کردی جائے گی۔
ادھر صوبہ پنجاب اور کے پی میں عام انتخابات کے لیے ضابطہ اخلاق کی تیاری کا معاملے میں الیکشن کمیشن کی جانب سے 2 فروری کو طلب کردہ اجلاس ملتوی کردیا گیا۔
یہ بھی پڑھیں؛ پنجاب اور کے پی میں انتخابات کی تاریخ کیلئے گورنرز کو دوسرا خط
ذرائع کا بتانا ہے کہ الیکشن کمیشن کی مصروفیات کے باعث مشاورتی اجلاس ملتوی کیا گیا، الیکشن کمیشن نے سیاسی جماعتوں کو اجلاس ملتوی ہونے سے متعلق آگاہ کر دیا، مشاورتی اجلاس کی تاریخ جلد فائنل کر کے سیاسی جماعتوں کو آگاہ کیا جائے گا۔
ذرائع کا کہنا ہے کہ الیکشن کمیشن کا ضابطہ اخلاق کو حتمی شکل دینے سے متعلق اجلاس اگلے ہفتے بلانے کا فیصلہ کیا ہے، اس سے سیاسی جماعتوں کو تجاویز کے لیے زیادہ ٹائم مل جائے گا۔
واضح رہے کہ الیکشن کمیشن کے زرائع کے مطابق خیبرپختونخوا میں گورنر کی جانب سے الیکشن کی تاریخ 16 اپریل تجویز کی گئی ہے جب کہ گورنر کا موقف ہے الیکشن کی تاریخ سے علم نہیں خط کا جواب میرے سیکرٹری نے دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News