اداکاراؤں پرنازیبا الزامات کے معاملے میں اداکارہ مہوش حیات سندھ ہائی کورٹ پہنچ گئیں۔ عدالت نے وفاق، پی ٹی اے اور ایف آئی اے کو نوٹس جاری کردیے۔
تفصیلات کے مطابق سوشل میڈیا پرمن گھڑت الزامات لگانے کے معاملے میں معروف اداکارہ مہوش حیات نے راجا عادل کے خلاف سندھ ہائی کورٹ میں درخواست دائر کردی۔
درخواست مین مہوش حیات نے مؤقف اختیار کیا کہ میرے خلاف سوشل میڈیا پر من گھڑت الزامات لگائے گئے۔ جھوٹے، گھٹیا الزامات لگانے والے ذہنی بیمار ہیں۔ چاہتی ہوں، الزامات لگانے والوں کو سزا دی جائے
معروف اداکارہ نے اپنے وکیل کے توسط مؤقف اختیار کیا کہ ایف آئی اے سائبر کرائم سے رجوع کیا مگر کارروائی نہیں ہو رہی، سوشل میڈیا پرموجود مواد فوری ہٹایا جائے۔
عدالت نے مہوش حیات کی درخواست پرسماعت کرتے ہوئے مہوش حیات کے خلاف سوشل میڈیا پر موجود مواد ہٹانے کا حکم دیتے ہوئے وفاقی حکومت پی ٹی اے اور ایف آئی اے کو نوٹس جاری کردیے اور فریقین کو دو ہفتے میں جواب جمع کرانے کا حکم دے دیا۔
بیرسٹر خواجہ نوید احمد نےمؤقف اپنایا کہ عادل راجا نے چار اداکاراؤں کے خلاف پروپیگینڈا کیا ہے جبکہ مہوش حیات نے عدالت مین بیان دیا کہ کبری خان کے خلاف الزامات واپس لے لیے ہیں۔ میرا نام اس نے “ایم ایچ” لکھا ہے۔
مہوش حیات کی میڈیا سے گفتگو
معروف پاکستانی اداکارہ نے سندھ ہائی کورٹ کے باہرمیڈیا کے نمائندوں سے گفتگو کرتے ہوئے کہا کہ میرا صبر کا پیمانہ لبریز ہوگیا ہے۔ جس طرح کی باتیں پھیلائی جارہی ہیں اس سے میں اور میری فیملی ذہنی کرب سے گزر رہے ہیں۔
مہوش حیات کا کہنا تھا کہ دنیا بھرمیں آرٹسٹوں کی قدر کی جاتی ہے، میری فلموں نے بہت اچھا بزنس دیا ہے۔ سوشل میڈیا پر بیمار ذہنیت کے لوگ موجود ہیں جن کا مشغلہ آرٹسٹوں کی بے عزتی کرنا ہے۔
معروف اداکارہ نے کہا کہ اورلوگ بھی غلط افواہوں پر بنا سوچے سمجھے یقین کر لیتے ہیں۔ مجھے عدلیہ سے انصاف کی امید ہے۔ خواتین کی عزت کرنا سب کی ذمہ داری ہے۔
انھوں نے مذید کہا کہ کسی کے خلاف منفی مہم چلانا جرم ہے اورجو لوگ سوشل میڈیا پران چیزوں کو آگے پھیلا رہے وہ بھی اس جرم کے مرتکب ہیں۔ یہ غیر اخلاقی حرکت ہے اس پر سخت ایکشن لینا چاہیے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News