پاکستان کرکٹ بورڈ کے نامزد کردہ عبوری چیف سلیکٹر شاہد خان آفریدی کی ذمہ داریاں ختم ہو گئی ہیں۔
تفصیلات کے مطابق پاکستان کرکٹ بورڈ کا نظم و نسق اپنے ہاتھ میں لینے والی مینجمنٹ کمیٹی نے سلیکش کمیٹی کو تحلیل کر کے نیوزی لینڈ کے خلاف ہوم سیریز کے لیے شاہد آفریدی کو عبوری چیف سلیکٹر مقرر کیا تھا۔
واضح رہے کہ پی سی بی کی سلیکشن کمیٹی جو محمد وسیم کی سربراہی میں کام کر رہی تھی اسے گزشتہ سال 24 دسمبر کو تحلیل کیا گیا تھا، اور عبوری سلیکش کمیٹی بنائی گئی تھی جس کے سربراہ شاہد آفریدی تھی۔
پی سی بی کی عبوری سلیکشن کمیٹی میں عبدالرزاق اور راؤ افتخار بطور رکن اور ہارون رشید کو کنوینر کے طور پر شامل کیا گیا تھا جس نے نیوزی لینڈ کے خلاف ٹیسٹ اور ون ڈے سیریز کے لیے اسکواڈز منتخب کیا تھا۔
یہ بھی پڑھیں : پی سی بی نے شاہد آفریدی کو بڑی پیشکش کردی
نیوزی لینڈ کے خلاف ٹیسٹ سیریز اور ون ڈے سیریز اپنے اختتام کو پہنچ چکی ہے جس کے بعد عبوری چیف سلیکٹر شاہد خان آفریدی کی مدت بھی اپنے اختتام کو پہنچ گئی ہے۔
شاہد خان آفریدی نے سیریز کے اختتام پر سماجی رابطے کی ویب سائٹ پر اپنے ایک پیغام میں لکھا کہ عبوری چیف سلیکٹر کے طور پر کردار ادا کرنے کا موقع دینے پر پی سی بی کا شکریہ، میں نے اس ذمہ داری کا بھرپور لطف اٹھایا۔
شاہد آفریدی نے اپنے پیغام میں مزید لکھا کہ امید ہے کہ میں اپنے دلیرانہ فیصلوں کے باعث مداحوں کی امیدوں پر پورا اترا ہوں گا، اور میں ہمیشہ کسی بھی طور پر پاکستان کی خدمت کیلیے دستیاب رہوں گا۔
شاہد آفریدی نے پاکستان کے خلاف نیوزی لینڈ کو ون ڈے سیریز میں فتح پر مبارکباد دی اور کہا ہے کہ میں پرُ اعتماد ہوں کہ قومی ٹیم جلد فارم میں واپس آئے گی۔
پاکستان کے سابق کپتان شاہد آفریدی نے نیوزی لینڈ کے گلین فلپس کی شاندار بیٹنگ کی تعریف کی جبکہ محمد رضوان اور فخر زمان کی بیٹنگ پر بھ خوشی کا اظہار کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News