عمران خان کی ویڈیو لنک کے ذریعے عدالت پیشی کی درخواست پر اعتراضات عائد

ویب ڈیسک

14th Feb, 2023. 01:30 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان کی ویڈیو لنک کے ذریعے عدالت پیشی کی درخواست پر اعتراضات عائد

عدالتہِ عالیہ نے سربراہ پی ٹی آئی عمران خان کی ویڈیو لنک کے ذریعے عدالت پیشی کی درخواست پراعتراضات عائد کردیے۔

تفصیلات کے مطابق اسلام آباد ہائی کورٹ میں ممنوعہ فنڈنگ کیس میں فارن ایکسچینج ایکٹ کے تحت درج مقدمہ سے متعلق سماعت کے دوران ویڈیو لنک کے ذریعے عدالت پیشی سے متعلق سابق وزیراعظم عمران خان کی جانب سے درخواست دائر کی گئی جس پر اعتراضات عائد کردیے۔

اسلام آباد ہائی کورٹ کے رجسٹرارآفس نے اعتراض عائد کرتے ہوئے کہا کہ عمران خان نے تاحال بائیو میٹرک تصدیق نہیں کروائی۔

عمران خان نے بنکنگ کورٹ کے 31 جنوری کا حکم کو چیلنج کیا ہے، بنکنگ کورٹ نے عمران خان کی ویڈیو لنک کے ذریعے حاضری کی درخواست مسترد کی تھی۔

عمران خان کی درخواست اعتراضات کے ساتھ کل سماعت کے لیے مقرر ہونے کا امکان ہے۔

عمران خان ی جانب سے درخواست میں کہا گیا کہ بنکنگ کورٹ کا 31 جنوری کا حکم نامہ کالعدم قرار دیا جائے۔ صحت یاب ہونے تک ویڈیو لنک پرعدالت حاضری کی اجازت دی جائے۔

واضح رہے کہ بنکنگ کورٹ نے کل 15 فروری کو عمران خان کو پیشی کے لیے آخری موقع دے رکھا ہے۔