پاکستان سپر لیگ سیزن 8 کے افتتاحی میچ میں لاہور قلندرز نے ملتان سلطان کو اس کے گھر میں صرف 1 رن سے شکست دے دی۔

پاکستان سپر لیگ کے سیزن 8 کے افتتاحی میچ میں لاہور قلندرز نے ملتان سلطانز کو جیت کے لیے 176 رنز کا ٹارگٹ دیا تھا۔

تفصیلات کے مطابق تماشائیوں سے بھرے ملتان کرکٹ اسٹیڈیم میں پی ایس ایل سیزن 8 کے افتتاحی میچ میں ملتان سلطانز نے لاہور قلندرز کو پہلے بیٹنگ کی دعوت دی.

لاہور قلندرز کی جانب سے فخر زمان اور مرزا بیگ نے اننگ کا آغاز کیا، دونوں بیٹسمینوں کے درمیان 61 رنز کی پارٹنر شپ ہوئی۔

مرزا بیگ 32 رنز بنا کر آؤٹ ہوئے، جبکہ فخر زمان نے ایونٹ کی پہلی نصف سنچری اسکور کی، وہ 66 رنز بنا کر آؤٹ ہوئے۔

لاہور قلندرز شائے ہوپ اور سکندر رضا نے 19،19 رنز بنائے، جبکہ حسین طلعت نے 20 رنز بنائے۔

ملتان سلطان کے احسان اللہ اور اسامہ میر نے 2،2 وکٹیں حاصل کیں۔

ہدف کے تعاقب میں ملتان سلطانز کی جانب سے شان مسعود اور کپتان محمد رضوان نے اننگ کا آغاز کیا، دونوں کھلاڑیوں نے پہلی وکٹ کی شراکت میں 100 رنز جوڑے۔

شان مسعود 35 رنز بنا کر آؤٹ ہوئے جبکہ کپتان محمد رضوان نے 50 گیندوں پر 75 رنز بنائے۔

ڈیوڈ ملر نے 25 رنز کی اننگ کھیلی، جبکہ ملتان سلطانز کی امید کیرون پولارڈ 19 رنز بنا کر آخری اوور میں رن آؤٹ ہو گئے۔

ملتان سلطانز کو آخری دو گیندوں پر 12 رنز درکار تھے، خوشدل شاہ دو چوکے لگا سکے، لاہور قلندرز نے یہ سنسنی خیز میچ صرف ایک رن سے جیت کر ایونٹ میں پہلی فتح درج کرا دی۔

اسکواڈ

لاہور قلندرز: فخر زمان، طاہر بیگ، شائی ہوپ، کامران غلام، حسین طلعت، سکندر رضا، لائم ڈاسن، ڈیوڈ ویزے، شاہین شاہ آفریدی(کپتان)، حارث رؤف، زمان خان

ملتان سلطانز: محمد رضوان(کپتان)، شان مسعود، عثمان خان، ڈیوڈ ملر، کیرون پولارڈ، خوش دل شاہ، عقیل حسین، اسامہ میر، ثمین گُل، شاہنواز دہانی، احسان اللہ