میانمار کی فوج کے ظلم و ستم سے تنگ آ کر اپنا گھر بار چھوڑ کر بنگلہ دیش آنے والے روہنگیا مسلمانوں کے کیمپ میں خوفناک آگ بھڑک اٹھی۔

تفصیلات کے مطابق بنگلہ دیش میں روہنگیا مسلمانوں کے لیے قائم عارضی بلوکھلی پناہ گزین کیمپ میں خوفناک آگ بھڑک اٹھی جس سے ہزاروں خاندان ایک بار پھر کھلے آسمان تلے آ گئے۔

اقوام متحدہ کا کہنا ہے بلوکھلی کیمپ ضلع کاکس بازار کے ان 32 پناہ گزین کیمپوں میں سے ایک ہے جس میں 1.2 ملین سے زائد روہنگیا پناہ گزین رہتے ہیں۔

فائر فائٹرز کے مطابق آگ لگنے کی وجہ فوری طور پر معلوم نہیں ہو سکی ہے۔

کاکس بازار کے ایڈینشنل پولیس سپریٹنڈنٹ رفیق الاسلام نے ایک غیر ملکی خبر رساں ادارے کو بتایا کہ آگ نے جنوبی بنگلہ دیش کے سرحدی ضلع میں قائم کیمپ میں نقصان کا تخمینہ لگانا مشکل ہے لیکن فی الحال جانی نقصان کی بھی کوئی اطلاع نہیں ہے۔

رفیق الاسلام نے مزید کہا کہ آگ پر قابو پا لیا گیا ہے اور فائر فائٹرز، پولیس اور پناہ گزینوں کے امدادی محکموں کے اعلیٰ اہلکار جائے وقوعہ پر موجود تھے۔

واضح رہے کہ اس کیمپ میں روہنگیا کے مسلمان رہائش پذیر تھے جنہوں نے 2017 میں میانمار افواج کے ظلم و ستم سے تنگ آ کر بنگلہ دیش کے سرحدی علاقے میں پناہ لی تھی۔

بنگلہ دیش میں یو این ایچ سی آر نے ایک ٹویٹ میں کہا کہ روہنگیا پناہ گزین رضاکار ایجنسی اور اس کے شراکت داروں کے ساتھ مل کر آگ بجھانے کا کام کر رہے ہیں اور آگ کے نتیجے میں متعدد پناہ گاہیں اور سہولیات تباہ ہو گئی ہیں۔

Rohingya refugee volunteers trained on firefighting & local fire services have controlled the fire.

16 UNHCR funded Mobile Fire Fighting Units helped reach the difficult area.

Advertisement

Multiple shelters and facilities destroyed.

Government, UNHCR & partners coordinating further. pic.twitter.com/6qlerHlwbw

— UNHCR in Bangladesh (@UNHCR_BGD) March 5, 2023

ڈھاکہ سے رپورٹ کرتے ہوئے غیر ملکی میڈیا کے نمائندے نے کہا کہ بلوخالی کیمپ کاکس بازار کے 32 کیمپوں میں سے ایک ہے جہاں 12 لاکھ سے زیادہ لوگ رہ رہے ہیں۔