اسلام آباد یونائیٹڈ کے کپتان شاداب خان کا کہنا ہے کہ لاہور قلندرز کے ہاتھوں 110 رنز کی شکست کے باوجود اپنا کھیل نہیں بدلیں گے۔
تفصیلات کے مطابق پیر کے روز لاہور قلندرز کے 7 وکٹوں پر 200 رنز کے جواب میں، اسلام آباد یونائیٹڈ 90 رنز پر ڈھیر ہو گئی تھی، جس نے لاہور قلندرز کو رنز کے لحاظ سے اپنی سب سے بڑی اور پی ایس ایل کی تاریخ میں مشترکہ دوسری سب سے بڑی جیت دلائی۔
اسلام آباد اس دن شاہین شاہ آفریدی کی قیادت میں لاہور قلندرز کی عالمی معیار کی باؤلنگ لائن اپ کے خلاف کافی بے بس نظر آیا۔
یہ بھی پڑھیں : قلندرز کا دھمال، گلیڈی ایٹرز 17 رنز کی شکست سے بے حال
شاداب خان کی قیادت میں ٹیم کی بیٹنگ لائن اپ نے ڈرامائی طور پسپائی اختیار کی، جہاں اس نے صرف 14 رنز پر پانچ وکٹیں گنوائیں۔
لیکن یہ شکست شاداب خان کو پریشان نہیں کر رہی ہے وہ کہتے ہیں کہ ان کی ٹیم بھاری شکست کے باوجود اپنے کھیل کے انداز کو نہیں بدلے گی۔
یونائیٹڈ کے کپتان شاداب خان نے پریس کانفرنس میں کہا کہ میں جانتا ہوں کہ یہ اس وقت ہوسکتا ہے جب میں اپنے کھلاڑیوں کو نڈر اور جارحانہ کرکٹ کھیلنے کو کہوں لیکن ہمیں صبر سے کام لینا چاہیے اور کھلاڑی کا ساتھ دینا ہوگا.
یہ بھی پڑھیں : پی ایس ایل 8 کے فائنل کے ٹکٹ دو گھنٹے میں فروخت
شاداب خان نے پرعزم انداز میں کہا کہ ہم کرکٹ کے اپنے برانڈ کو تبدیل نہیں کریں گے اور ہم اس پر قائم رہیں گے کہ ہم کیا کر رہے ہیں اور ہم کیسے کھیل رہے ہیں۔
شاداب خان کا ماننا ہے کہ اسی برانڈ نے ہمارے لیے نتائج پیدا کیے ہیں، لیکن جب آپ اپنے انداز میں جارحانہ ہوتے ہیں تو آپ اپنی وکٹیں کھو سکتے ہیں۔
واضح رہے کہ اسلام آباد یونائیٹڈ اس وقت پوائنٹس ٹیبل پر تیسرے نمبر پر ہے جبکہ کراچی کنگز اپنے سات میچوں میں پانچ شکست کے ساتھ پانچویں نمبر پر ہے۔
تاہم شاداب خان نے کہا کہ وہ کراچی کنگز کی ٹیم سے مختلف ہیں اور انہوں نے اپنی ٹیم کو ان کے خلاف مطمئن ہونے سے خبردار کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News