خواتین کی بڑی تعداد حمل کے دوران زبان کا ذائقہ خراب ہونے کی وجہ کھٹی میٹھی چیزیں کھانے کی خواہش رکھتی ہیں تاہم لندن سے تعلق رکھنے والی ایک ایسی خاتون بھی جنہیں دوران حمل مٹی کھانے کی طلب ہوتی تھی۔

31 سالہ ڈیمنڈ ڈینا کو 2013 میں اپنے پہلے حمل کے دوران مٹی کھانے کی طلب محسوس ہوتی تھی اور انہوں نے اس دوران 3,800 امریکی ڈالرکی مٹی کو اپنی غذا کا حصہ بنایا تاہم انہیں اب بھی اس کی خواہش ہوتی ہے۔

اگرچہ زیادہ تر حاملہ خواتین کو اچار اور آئس کریم کی طلب ہوتی ہے، لیکن لندن سے تعلق رکھنے والی ڈیمنڈ کو صرف مٹی کی طلب ہوتی تھی۔

ڈیمنڈ کا کہنا ہے کہ جب وہ حاملہ تھی تو ایک دن میں مٹی کے دس تھیلوں کوکھا جاتی تھی انہیں اس کی بہت شدید طلب ہوتی تھی، واضح رہے کہ ہر بیگ تقریباً دو گرام کا ہوتاتھا۔ تاہم وہ اب بھی اس کی خواہش کرتی ہیں جبکہ یہ ابھی حاملہ بھی نہیں ہیں۔

 ڈائمنڈ کو جس قسم کی مٹی کی طلب ہوتی تھی وہ مکمل طور پر کھانے کے قابل ہوتی ہے اور ان کا کہنا ہے کہ اس کی وجہ سے دوران حمل مارننگ سکنس پر قابوپانے کافی مدد ملی۔

ماہرین کے مطابق اس مٹی کو میبیلے کہا جاتا ہے، یہ ایک خوردنی مٹی جو ڈیموکریٹک ریپبلک آف کانگو اور دیگر پڑوسی ممالک سے درآمد کی جاتی ہے۔

اس مٹی کو بعض اوقات حمل کے دوران روایتی طور پر استعمال کیا جاتا ہے اور کہا جاتا ہے کہ اس سے متلی اور الٹی کو روکنے میں بھی مدد ملتی ہے۔ اسے معدے کے امراض، پانی کو صاف کرنے اور جلد کو بہتر بنانے کے لیے بھی استعمال کیا جا سکتا ہے۔

ڈائمنڈ واحد حاملہ عورت نہیں ہے جسے اس مٹی کی خواہش ہورہی تھی، ہیلتھ لائن کے مطابق یہ ایک ایسا رجحان ہے، جسے پیکا کہتے ہیں، اور جو بہت سے لوگوں میں پایا جاتا ہے۔

واضح رہے کہ ڈائمنڈ گزشتہ برسوں میں تین بار حاملہ ہوچکی ہیں اور ان کے چار بچے ہیں جن میں ایک جرواں ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے یوٹیوب چینل کو سبسکرائب کریں  https://bit.ly/3Tv8a3P اور بیل آئیکن پر کلک کریں