قومی کرکٹ ٹیم کے سابق وکٹ کیپر معین خان دورہ آسٹریلیا کیلئے پاکستانی ٹیم میں دو کھلاڑیوں کو شامل کرنے کا مطالبہ کردیا۔
مقامی ٹی وی چینل پر گفتگو کرتے ہوئے سابق وکٹ کیپر بیٹر معین خان نے کہا کہ دورہ آسٹریلیا کے دوران پاکستانی ٹیم میں صائم ایوب اور شان مسعود کو ٹیم کا حصہ ہونا چاہیے، انہوں نے کہا کہ صائم کیرئیر کی شاندار فارم میں ہیں جبکہ شان نے بھی فرسٹ کلاس کرکٹ میں بہت زیادہ رنز بنائے ہیں۔
دوسری جانب آئی سی سی ورلڈکپ میں مسلسل 4 میچز میں شکست کے بعد قومی ٹیم کا ایونٹ سفر تقریباً ختم ہوچکا ہے، پاکستان کو اگلے تین میچز میں بنگلادیش، نیوزی لینڈ اور انگلینڈ کی ٹیموں کا مقابلہ کرنا ہے۔ اگر پاکستانی ٹیم تینوں میچز میں کامیابی سمیٹی ہے تو اسے اگر مگر کی صورتحال کا سامنا ہوگا۔
جمعہ کو ہونے والے آئی سی سی ورلڈکپ کے اہم میچ میں قومی ٹیم کو ناقص امپائرنگ کی وجہ سے جنوبی افریقا کے ہاتھوں چنئی میں ایک وکٹ سے شکست کا سامنا کرنا پڑا تھا۔
واضح رہے کہ صائم ایوب اور شان مسعود نے حال ہی میں ہونے والی قائدآعظم ٹرافی میں بہترین کارکردگی کا مظاہرہ کرتے ہوئے اپنی ٹیم کو چیمپئن بنایا تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
