بھارت میں پٹاخوں کی وجہ سے ممبئی اور نیو دہلی کی فضا آلودہ ہو گئی ہے جس پر روہت شرما نے بھی تشویش کا اظہار کیا ہے۔
کرکٹ کی معروف ویب سائٹ کے مطابق بھارت کرکٹ ٹیم کے کپتان روہت شرما نے ممبئی اور ملک کے دیگر حصوں میں ہوا کے خراب معیار پر تشویش کا اظہار کرتے ہوئے کہا ہے کہ یہ یقینی بنانا ضروری ہے کہ آنے والی نسلیں ہندوستان میں بغیر کسی خوف کے رہ سکیں۔
واضح رہے کہ بھارت میں ہندوؤں کا مذہبی تہوار دیوالی کی آمد کے سلسلے میں ملک بھر کی فضا پٹاخوں اور فائر کریکر کے دھماکوں سے گونج رہا ہے۔
بھارت میں پٹاخوں اور دیگر آتش گیر مادہ استعمال کرنے کی وجہ سے فضا میں بارود کی بو رچ گئی ہے جبکہ دھویں کی کثیف چادر نے ملک کو اپنی لپیٹ میں لے لیا ہے۔
بی سی سی آئی نے بھی ممبئی اور دہلی میں ورلڈ کپ کے بقیہ میچوں کے لئے آتش بازی کے پروگرام کو منسوخ کر دیا ہے۔
روہت شرما نے سری لنکا کے خلاف ورلڈ کپ میچ سے قبل کہا کہ مثالی دنیا میں آپ اس طرح کی صورتحال نہیں چاہتے لیکن مجھے پورا یقین ہے کہ متعلقہ لوگ اس طرح کی صورتحال سے بچنے کے لئے ضروری اقدامات کر رہے ہیں۔
اس سے قبل ممبئی میں جنوبی افریقہ کے ہاتھوں انگلینڈ کی شکست کے بعد جو روٹ نے ورلڈ کپ کے دوران ہوا کے معیار کا معاملہ اٹھایا تھا۔
جو روٹ نے کہا کہ میں نے اس سے پہلے اس طرح کی کسی بھی چیز میں نہیں کھیلا ہے۔ میں گرم درجہ حرارت میں کھیلا ہے ہوں لیکن یہاں ایسا محسوس ہوا جیسے آپ اپنی سانس نہیں لے سکتے ہیں۔
جو روٹ نے مزید کہا کہ جب آپ سال کے اس وقت بھارت میں کھیلنے کے لئے آتے ہیں تو آپ اسی طرح کی چیزوں کا سامنا کرنا پڑے گا۔
رپورٹس کے مطابق دہلی اور ممبئی میں ہوا کا معیار خراب ہونے کے پیش نظر بی سی سی آئی نے کہا کہ وہ دونوں شہروں میں ورلڈ کپ کے بقیہ میچوں کے لئے آتش بازی کو روک دے گا۔
بی سی سی آئی کے سکریٹری جے شاہ نے ایک بیان میں کہا کہ انہوں نے آئی سی سی کو یقین دہانی کرائی ہے کہ ورلڈ کپ کے بقیہ میچز میں آتش بازی نہیں ہو گی۔
گزشتہ روز ممبئی ہائی کورٹ نے اس معاملے کا ازخود نوٹس لیتے ہوئے ممبئی میں خراب ایئر کوالٹی انڈیکس پر تشویش کا اظہار کیا تھا۔
ورلڈ کپ میں ممبئی کو مزید تین میچوں کی میزبانی کرنی ہے جبکہ نیو دہلی ایک میچ کی میزبانی کرے گا۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News