قطر میں ہونے فیفا ورلڈ کپ 2022 میں فاتح ٹیم کے کپتان لیونل میسی کی استعمال شدہ شرٹس نیلامی میں ریکارڈ قیمت میں فروخت ہوئیں۔

عرب میڈیا کے مطابق 2022 کے فیفا ورلڈ کپ میں ارجنٹینا کی فتح کے دوران لیونل میسی کی پہنی گئی چھ شرٹس جمعرات کو نیویارک میں ہونے والی نیلامی میں 7.8 ملین ڈالر میں فروخت ہوئیں۔

اس مجموعے میں وہ شرٹ بھی شامل تھی جو ارجنٹائن کے لیجنڈ نے قطر میں فرانس کے خلاف فائنل کے پہلے ہاف کے دوران پہنی تھی۔

نیلامی ہاؤس سوتھیبیز کا کہنا ہے کہ شرٹس کے سیٹ کی قیمت نے کھلاڑی سے وابستہ اشیاء کی فروخت کا سابقہ ریکارڈ توڑ دیا اور یہ رواں سال نیلام ہونے والی کھیلوں کی سب سے قیمتی یادگار بن گئی۔

اس مجموعے میں وہ شرٹ بھی شامل ہے جو میسی نے قطر میں فرانس کے خلاف فائنل کے پہلے ہاف میں پہنی تھی۔

سوتھیبی کے ہیڈ آف ماڈرن کلیکٹیبلز برہم واچٹر نے کہا کہ یہ تاریخی شرٹس نہ صرف کھیلوں کی تاریخ کے اہم ترین لمحات میں سے ایک کی یاد دلاتی ہیں بلکہ بنیادی طور پر تاریخ کے سب سے زیادہ سجے ہوئے فٹ بال کھلاڑی کے کیریئر کے عروج کے لمحات سے جڑی ہوئی ہیں۔

1998 کے این بی اے فائنل کے افتتاحی میچ کی مائیکل جارڈن کی جرسی نے کھیلوں کی یادگار اشیاء کے لئے سب سے زیادہ قیمت ادا کرنے کا ریکارڈ قائم کیا ہے، جس نے گزشتہ سال 10.1 ملین ڈالر کمائے تھے۔