آئی سی سی نے مینز ٹی ٹوئنٹی ورلڈ کپ 2024 کا شیڈول جاری کر دیا ہے۔

تفصیلات کے مطابق آئی سی سی مینز ٹی ٹوئنٹی ورلڈ کپ 2024 کا شیڈول جاری کر دیا گیا ہے، میگا ایونٹ یکم سے 29 تک کھیلا جائے گا۔

آئی سی سی مینز ٹی ٹوئنٹی ورلڈ کپ یکم سے 29 جون تک ویسٹ انڈیز اور امریکہ کی سرزمین پر کھیلا جائے گا۔

آئی سی سی مینز ٹی ٹوئنٹی ورلڈ کپ میں 20 ٹیمیں حصہ لیں گے۔

میگا ایونٹ میں پاکستان اور بھارت ایک ہی گروپ میں شامل ہیں اور دونوں ٹیموں کا مقابلہ 9 جون کو نیویارک میں ہو گا۔

پاکستان اور بھارت اس سے قبل میگا ایونٹ میں 7 مرتبہ آمنے سامنے آ چکی ہیں، 2007 میں دو مرتبہ، 2012، 2014، 2016، 2021 اور 2022 میں پاک بھارت ٹاکرا ہو چکا ہے۔

پاکستان کے گروپ میں بھارت، آئرلینڈ، کینیڈا اور امریکہ شامل ہیں۔

ٹی ٹوئنٹی ورلڈ کپ 2024 کے دونوں سیمی فائنلز 26 اور 27 جون کو ہوں گے جبکہ ٹورنامنٹ کا فائنل 29 جون کو بارباڈوس میں کھیلا جائے گا۔

آئی سی سی کے مطابق گروپ بی میں انگلینڈ اور آسٹریلیا میں ہونے والے مینز ٹی ٹوئنٹی ورلڈ کپ کی آخری دو فاتح ٹیمیں شامل ہیں جبکہ اس جوڑی کا مقابلہ نمیبیا، اسکاٹ لینڈ اور عمان سے ہوگا۔

ویسٹ انڈیز کو گروپ سی میں نیوزی لینڈ، افغانستان، یوگنڈا اور پاپوا نیو گنی کے ساتھ رکھا گیا ہے جبکہ گروپ ڈی میں جنوبی افریقہ، سری لنکا، بنگلہ دیش، نیدرلینڈز اور نیپال شامل ہیں۔

ٹورنامنٹ کے 55 میچز ویسٹ انڈیز کے چھ مختلف مقامات کینسنگٹن اوول، بارباڈوس) میں کھیلے جائیں گے جن میں برائن لارا کرکٹ اکیڈمی، ٹرینیڈاڈ; پروویڈنس اسٹیڈیم، گیانا۔ سر ویوین رچرڈز اسٹیڈیم، اینٹیگوا ڈیرن سیمی کرکٹ گراؤنڈ اور سینٹ لوشیا آرنوس ویل اسٹیڈیم، سینٹ ونسنٹ شامل ہیں۔

جبکہ امریکہ میں تین مقامات آئزن ہاور پارک، نیو یارک۔ لاؤڈرہل، فلوریڈا اور گرینڈ پریری، ٹیکساس شامل ہیں۔