نیوزی لینڈ نے پاکستان کو دوسرے ٹی ٹوئنٹی میچ میں 21 رنز سے شکست دے کر سیریز میں 0-2 کی برتری حاصل کر لی ہے۔

تفصیلات کے مطابق 5 میچوں کی سیریز کے ہملٹن میں کھیلے جانے والے دوسری ٹی ٹوئنٹی میچ میں پاکستان کی ٹیم 195 رنز کے ہدف کے تعاقب میں 173 رنز بنا کر آؤٹ ہو گئی۔

میچ میں پاکستان نے ٹاس جیت کر پہلے فیلڈنگ کا فیصلہ کیا، نیوزی لینڈ نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 194 رنز بنائے۔

کیویز بیٹرز نے ابتدا سے ہی پاکستان پیس بیٹری کے خلاف جارحانہ انداز اپنایا، لیکن 59 کے مجموعی اسکور پر اوپنر ڈیون کانوے 20 رنز بنا کر آؤٹ ہو گئے۔

نیوزی لینڈ کے فلن ایلن کی اننگ سب سے نمایاں تھی جنہوں نے 41 گیندوں پر 5 چھکے اور 7 چوکوں کی مدد سے 74 رنز بنائے، کپتان ولیمسن 26 رنز بنا کر ریٹائرڈ ہرٹ ہوئے۔

ڈیرل مچل 17، مارک چیپ مین 4 اور گلین فلپس 13 نے 13 رنز بنائے۔

گرین شرٹس کے حارث رؤف نے 3، عباس آفریدی 2 اور اسامہ میر اور عامر جمال نے 1،1 کھلاڑیوں کا شکار کیا۔

ہدف کے تعاقب میں پاکستانی اننگ کو ابتدا ہی میں نقصان اٹھانا پڑا، اوپنر محمد رضوان 7 اور صائم ایوب ایک رنز بنا کر پویلین واپس لوٹ گئے۔

فخر زمان اور بابر اعظم کے درمیان چوتھی وکٹ کی شراکت میں 87 رنز بنے جس سے امید ہو گئی تھی کہ پاکستان میچ میں واپس آ گیا ہے، لیکن فخر زمان 50 رنز مکمل ہوتے ہی اپنی وکٹ گنوا بیٹھے۔

بابر اعظم نے 64 رنز بنائے ، لیکن بعد میں آنے والے کھلاڑی بابر اعظم کا ساتھ نہ دے سکے، افتخار احمد 4، اعظم خان 2، عامر جمال 9 اور شاہین آفریدی 22 رنز بنائے۔

کیویز کے ایڈم ملنے نے 2 جبکہ مچل سینٹنر، ایش سودھی، ٹم ساؤتھی اور بین سیئرز نے ایک ایک وکٹ حاصل کی۔

پانچ میچوں کی سیریز میں نیوزی لینڈ کو 0-2 کی برتری حاصل حاصل ہو گئی ہے۔